ثمار الجبل: أول تجربة صيد سمك بقلب الجبل بلبنان

لكل مين عبالو يكون عم يعيش تجربة غريبة بنص الجبل يتوجه لضيعة بشري وين رح تلاقوا مطعم ثمار الجبل.

هالمطعم هوي الدوا لي إنتو بحاجة لإلو بهيك طقس مشوب، عندو كل شي بيخطر على بالكن، مزرعة وجنينة وعين مي وساقية وأهم شي أحواض السمك.

بتطلعوا على الأرز بتفتح نفسكن على الأكل مع هل برودات الحلوين. وإذا عبالكن رح فيكن تعيشوا تجربة صيد السمك لي رح تخليكن تحسوا حالكن على البحر والجبل بنفس الوقت. بتحطوا الصنارة بالمي وبتطلعوا سمك على قد ما بدكن تاكلوا.

فيكن كمان تحوشوا كرز طازة وتعبوا مي بتشق النفس ومسقعة دغري من العين.

وبتلبي هيدي التجربة كل حدا بحب صيد السمك، المغامرة أو بس حدا عبالو يتسلى ويعمل شي جديد وغريب بإيام الصيفية.

هلق الطقس صار خارج هيك قعدة بالجبل مع العيلة.

مافي أطيب من أكلة سمك، بس عم تتخايلو حالكن عم تاكلو سمكة متصيدينا إنتو؟

وإذا ما عبالكن تصيدوا ما عليكن غير تاكلوا. صيد اليوم عطول طازة ومشكل: سمك ع أنواعو، سومو، ترويت…استحلوا واختاروا!

مشوي، مقلي أو ني، اختاروا كيف بتحبوا تستمتعوا بسمك ثمار الجبل. هيدا المحل خرج جمعة غير شكل مع العيلة لتستمتعوا بهالطقس الحلو.

قعدة بأرز الرب بتاخد العقل! معقول حدا ياكل أكلة سمك غير حد المي؟ بس رح يكون مش بس حد المي وحد الأرزات كمان ومش بس بيطعموكن سمك، كل أصناف المازة اللبنانية موجودة وشو أهمن؟ الكبة الزغرتاوية يلي معمولة على الأصول وبكرم على قد ما بتتخايلوا.

نصيحة جربوا صحن الفوارغ لأن شغل بيت وكتير نضيف ومهفف. وحتى البزاق ملموم من الضيعة والصوص لي معو شي روعة.

عندن كمان شي بس هني بيعملوا: كبيس على بطاطا، شي كتير طيب مع السمك أكتر شي.

حتى اللبنة والجبنة من المزرعة دغري على طاولتكن… الفواكة والخضرا حدس ولا حرج قد ما طيبين من الجنينة كمان.

يعني بإختصار بهل مطعم بتاكلوا لقمة عيلة وفيها حنية الإم وعندن المعاملة بتجنن والكرم على الآخر بتحسوا حالكن ببيتكن صحيح.

ما تروحوا على حالكن هيك تجربة.

َ
وما تنسوا تجربوا المرجوحة بعد الأكل!

وبالنسبة للي حابين يحتفلوا بأيا مناسبة خاصة، ثمار الجبل بيستضيف مناسبات لكل الأعمار من أول القربانات للعمادات وأعياد الميلاد.

يلا شو ناطرين؟ مشوا نتصيد سمك بالجبل!

للمزيد من المعلومات اتصلوا على 407 129 70

شوفوا كمان، لأول مرة بلبنان…ألعاب مائية بنص البحر بشكا هالصيفية.