بتعرفوا معنى هالعبارات البشرانية؟

البشراني لهجة بس أهل الضيعة بيتقنوها وبس يجي الغريب على بشري بحس حالو مش عم يفهم شي وبصير يفكر بكل كلمة وكل جملة ويجرب يحزر معناتها بس على الأكيد بيستهضم كل شي بقولوا البشراني على الآخر، لهيك قررنا اليوم نعرفكن على أكتر عبارات بقولوها أهالي بشري بحياتن اليومية ونفسرها.

١. أومك: بالبشراني إمك أو إمي بتصير “أومي” أو “أومك”

٢. شبوك: بس بدو سأل عنك البشراني بقول شبوك ومش “شو باك”

٣. رب الله لي خلقك: بس يحب حدا كتير البشراني بصير يتغزل في بهل طريقة

٤. خليلي قلبك: محطة كلام وأكتر شي بقولها البشراني بس يكون بدو خدمة من شي حدا

٥. ماو هايك: البشراني ما بقول “مش هيك”، بقول ماو هايك وبيمغطها على الآخر

٦.دين الإير*: محطة كلام بس البشراني يعصب ما في ما يقولها وبتطلع كتير مهضومة منو

٧. مايمي: ماما بالبشراني

٨. يا دوب/ علوان: “أنجق” على الطريقة البشرانية

٩. حق العدرا/ حق الرب: كمان محطة كلام، يعني بدكن تعتبروا كل خمس ثواني بدن يقولوها ليرتاحوا نفسياً

١٠. خوبز: سامعين بالخوبز؟ الخبز بالبشراني بصير خوبز

شوفوا كمان معنى هل عبارات الزغرتاوية.