مطعم البستان: جلسة عائلية مميزة جنب نهر الليطاني

عبالكن غطسة بالنهر؟ اليوم مشوارنا صيفي بإمتياز، رح ناخدكن على ضيعة قعقعية الجسر بالجنوب بقلب وادي الحجير، ونعرفكن على محل مميز للسباحة والأكل جنب النهر والطبيعة. مطعم البستان مطعم روعة بجلسة عائلية وقعدة جنب نهر الليطاني.

مطعم البستان بيقدم قعدة بأحضان الشجر والطبيعة، قاعد بالوادي جنب الميّ الجارية وعلى ضفاف نهر الليطاني. هالمطعم عندو قعدة تراس غير شكل على صوت الميّ وبمنظر بياخد العقل للنهر والشجر.

مطرح كتير مهضوم لتغطسوا جريكن بالميّ السقعة، تتفرجوا على السمكات والبط، وتسبحوا كل النهار بقلب النهر.

بتلاقوا عند مطعم البستان قعدة عائلية كاملة مكمّلة. عندن ألعاب للولاد بقلب الميّ مراجيح بالجنينة، جسور زغيرة تتمشوا عليها وتاخدوا صور حلوة، ومنتزه لتكزدروا بالهوا الحلو والطبيعة الساحرة.

الأطباق اللي بيقدمها مطعم البستان لبنانية أصيلة وشهية، من مشاوي ومازة وسلطات وتبولة معمولة بكل شطارة. بتجربوا أكلة سمك مشوي طيبة ولحمة نية مع التحويشة الجنوبية غير شكل!

للمزيد من المعلومات، اتصلوا على 727 246 81 – 160 815 71

شوفوا كمان، ٤ مطارح لضهرة عيلة مميزة هالصيفية بالجنوب