وأخيراً وبعد ١٢ سنة انتظار، عمر دياب راجع على بيروت!

خبرية ولا أحلى من هيك! الفنان العالمي عمرو دياب راجع يضوي ليالي بيروت بعد طول انتظار وغياب ١٢ سنة. هل صيفية رح يحيى عمرو دياب حفل استثنائي بلبنان بعد مرور سنين وسنين!

فعلاً ليالي بيروت السنة رح تكون استثنائية مع عودة الحياة والمهرجانات على شوارعها ومطاعمها ومسارحها ومنتمنى تكون حاملة معها فرح وبحبوحة لكل اللبنانيي بلبنان والمهجر لأن كلنا اشتقنا نعيش ونفرح وننبسط من جديد.

الحفل الأضخم بلبنان لهل سنة رح يحيي الفنان المصري الأشهر بالعالم العربي الهضبة عمرو دياب!

نهار ١٩ آب ، رح تنبض بيروت بألحان ساحرة وحضور مسرحي آسر لعمرو دياب. هل حفل من تنظيم شركة Venture Lifestyle، ورح تكون ليلة ما بتنتسى مليانة موسيقى ورقص وفرح وأغاني ساحرة من “نور العين” و “تملي معاك” لأجدد أعمالو الفنية متل “رايقة” و”قدام مرايتها”، رح يغني عمرو دياب هل الأغاني الخالدة وكل أغانيكن المفضلة على خشبة المسرح.

تعد عودة النجم المصري عمرو دياب على مسرح بيروت عام 2023 بمثابة مفاجأة كبيرة غير منتظرة أولاً بسبب وضع البلد الإقتصادي والشغور الرئاسي وتانياً بعد إلغاء حفلو المخيب للآمل عام 2010. بوقتها، كان من المقرر إنو يحيي دياب حفلة ليلة راس السنة ببيروت إلى جانب فرقة الموسيقى الأمريكية Abba Fever والفنانة اللبنانية ميليسا، لكن بسبب خلاف مع الشركة المنظمة، تم إلغاء الحفل فجأة، مما أدى إلى شائعات كاذبة ألقت باللوم على دياب بالقرار وبوقتها الكل توقع إنو رح تكون آخر مرة بقرر فيها الفنان إحياء حفل بلبنان.

واليوم ورغم كل شي وعكس كل التوقعات رجع عمرو دياب على البلد لي بحبو كتير والمدينة لي بتحبو كتير والشوارع لي بتضل نابضة بأغاني ليحيى أضخم حفل لصيف 2023! ونحنا تحمسنا كتير!

إضافة إلى تفاصيل الحفل الروعة، رح يكون في حفلة افتتاحية استثنائية خاصة من احياء DJ Rodge المتعدد المواهب. بيشتهر Rodge بنغماتو الديناميكية والإيقاعات المليانة حياة وفرح، وعلى الأكيد رح يولع المسرح بانتظار الأيقونة عمرو دياب.

تم تحقيق هل حدث المميز بفضل جهود راديو Mix FM Lebanon و شركة Velvet Productionz، القوتان الأبرز على صعيد الموسيقى والترفيه بلبنان.

عودة عمرو دياب على مسرح بيروت مناسبة بغاية الأهمية لعشاق ومحبين عمرو دياب بلبنان لي ناطرين وبفارغ الصبر هل حفل الاستثنائي.

للمزيد من المعلومات وتفاصيل عن بيع وأسعار التذاكر ، تابعوا Venturelifestyle_ على مواقع وسائل التواصل الاجتماعي وترقبوا صدور التذاكر بكرا.

شوفوا كمان، أسعار الدخولية على ٤ من أشهر المسابح بالدامور.