٥ مسابح مميزة بالجبل لازم تزوروها هالصيفية

أكيد منحب نقضي الصيفية جنب البحر وموجاتو بس كمان مشوار الصيفية بالجبل غير شكل! خلونا نتعرف على 5 مسابح مميزة هالموسم بالجبل!

1. Canopée، برمانا

إذا عم تفتشوا على أجواء حلوة مع الأصحاب، من استجمام بالمسبح، أو موسيقى وأكل طيب، أو سهرات مميزة بالجبل، أو المناظر الجبلية الساحرة، لازم تتوجهوا على كانوبي ببرمانا، مطرح جديد وساحر هالصيفية.

الرقم: 022 023 76

2. Mary’s Garden، بدادون، عالية

ماريز غاردن مطرح مميز للعيلة والجمعات الكبيرة، بيستقبل لحد ال 40 شخص! عندن خدمات مميزة لإحتفالتكن وكل جمعاتكن، مسبح كبير، جنينة خاصة، وقعدات غير شكل بالهوا الطلق والطبيعة بالجبل.

الرقم: 931 991 70

3. The Cliff، جبل موسى

ذا كليف عبارة عن مطرح للتخييم قاعد على حفة الجبل، بتسبحوا وبتحسوا حالكن معلقين بالسما، وعندن قعدات ساحرة الجمال بنص محمية جبل موسى وغاباتها، مكان مميز لكل محبي الطبيعة وعشاق التخييم.

الرقم: 118 281 70

4. Cactus، الدبية

هالمطرح قاعد بحضن الجبل وعند إطلالة ساحرة الجمال، بيتضمن جنينة مميزة لقعدة مع العيلة بالطبيعة وكمان مسبح كبير لتنبسطوا بأحلى الأوقات حتى غروب الشمس.

الرقم: 112 481 03

5. The Chill Hill Experience، وطى الجوز

بتميلوا على هالمطرح صوب وطى الجوز وبتلاقوا أجمل المسابح مخباية بين الشجر وأحضان الجبل، بتسبحوا تحت الشمس ولفحات الهوا الجبلي بتاخدكن وبتجيبكن معها، والحلو انو كمان فيكن تقضوا ليالي الصيفية عندن ببيوت ضيافة غير شكل!

الرقم: 458 775 76

شوفوا كمان، شوفوا أسعار الدخولية على ٤ من أشهر المسابح بالدامور