٤ مطارح لضهرة عيلة مميزة هالصيفية بالجنوب

بلشت الصيفية يعني بلش موسم الضهرات بلبنان! اليوم اتجهنا على الجنوب وبرمنا المنتجعات والمسابح والملاعب بالمنطقة، ولقينالكن 4 مطارح لضهرة عيلة مميزة هالصيفية بالجنوب.

1. أوكلاند، حاصبيا

مطرح مميز لنهار كامل متكامل للعيلة بحاصبيا الجنوب، عندن ألعاب ترفيهية، ملاعب كبيرة، قوارب بالمي، حديقة حيوانات، رياضات ونشاطات حماسية من تسلق و Zipline وسبق سيارات. عندن مطعم بيقدم مختلف المأكولات جنب نهر الحاصباني، وقعدة غير شكل بالطبيعة!

الرقم: 999 166 76

2. منتجع عرش الملوك، وادي الحجير

منتجع بتجربة مميزة لموسم الصيفية، بتلاقوا جنينات كبيرة، ألعاب ترفيهية متنوعة للولاد، مطعم بيقدم أكل طيب على أنواعه، بتنبسطوا بغدا مهضوم مع العيلة بحضن الوادي والطبيعة الجنوبية، وكمان عندن مسبح كبير مناسب للعيل والولاد لترخوها تحت الشمس وتلعبوا بالميّ!

الرقم: 588 933 78

3. X-plore Adventure Park، الناقورة

هالمطرح عبارة عن بارك ومطرح ترفيهي بإمتياز للولاد ليقضوا مغامرات غير شكل هالصيفية بالجنوب، نشاطات حماسية وتسلق وZipline وحديقة حيوانات برية وأليفة، وكمان مطعم مميز للعيلة.

الرقم: 905 990 81

4. صور بارك Sour Water Park & Resort، صور، العباسية

منتجع صور بارك عبارة عن مدينة مائية للسباحة والألعاب الترفيهية بالميّ، عندن كمان ملاهي وكارتينغ وألعاب متنوعة، وكمان بتلاقوا حمام تركي وحمام بخار وسونا وحتى نادي رياضي للكبار، مطرح مميز للعيلة بالجنوب!

الرقم: 450 350 07

شوفوا كمان، أحلا مغامرة: منتجع جديد بقلب الطبيعة للعيلة كلا!