تعرفوا على ٥ مطاعم جبلية ساحرة حول لبنان

بما إنو نحنا بعز الصيفية، صار لازم نفتش على البرود وقعدة الجبل والرواق.

١. الأزوردي، اللقلوق

ما في أجمل من القعدة بأحضان الطبيعة، جلسة عود، ولقمة بيتوتية بتفتح النفس عند الأزوردي، رح تشوفوا الجمال اللبناني الأخضر مغطى الجبال وإذا حابين فيكن تقضوا ليلة مميزة ببيوتن الخشبية الساحرة.

الرقم: 868 888 76

٢. لوس، جزين

من أجمل المطاعم لي ممكن تزوروها… بركة مي، ورود، منظر على غابات بكاسين الساحرة ورواق على الآخر. بتاكلوا ألذ المأكولات اللبنانية وأطباق المازة الشهية مع هوايات جزين الحلوين.

الرقم: 330 780 07

٣. طريق النحل، فاريا

مع قهوة طيبة وفيو بطير العقل، هل مطعم هوي المكان المثالي لشوية هدوء و راحة. على التراس رح تلاقوا الجبال قبالكن والطاولة ملونة بالأكل الطيب، تأملوا فيهن وبوج الناس لي بتحبوهن.

الرقم: 394 737 03

٤. بيت الجبل، دير القمر

بيعجز الكلام عن وصف جمال هل محل لي برد الروح، بتحسوا حالكن قاعدين بالسما. لقمة شهية بالقرب من الجبال والوديان: تبولة، فتوش، بطاطا حرة، مقانق، دجاج بالفرن، رقاقات جبنة، فريكة ومشاوي، على ريحة الورد والطيب.

الرقم: 767 160 71

(عاليه) ٥. الصخرة، شملان

فتشوا على القصر القرميد الحلو بضيعة شملان، هونيك رح تستقبلكن ريحة الفخار يلي بتشق القلب. بيتميز هل مطعم بقعدتو التراثية وأكلو الإستثنائي والمنظر لي بطول العمر.

الرقم: 763 233 03

شوفوا كمان، صيفية غير شكل بهل- ٥ مسابح بلبنان.