أحلا مغامرة: منتجع جديد بقلب الطبيعة للعيلة كلها!

بعد ما خلصوا الولاد مدارس وبطل عندن درس ولا هم ولا غم، صار فينا نروح مشاوير ونقضي وقت حلو نكتشف كل مناطق لبنان.

اليوم منطلع صوب بعبدات بالمتن لنتعرف على منتجع جديد مخصص للعيلة وللولاد وبقدم أحلى النشاطات وأروع الأوقات.

خلونا نعرفكن على منتجع ميوت أو Myut مطرح ما رح تطلعوا وتعملوا mute لكل مشاكلكن وهمومكن وتتسمعوا على الموسيقى الرايقة وعلى صوت الطبيعة.

هالمحل بنظم نشاطات مسلية للكبار والزغار طول النهار وبقدم بوفي بشهي بنص الطبيعة.

جيبوا ولادكن معكن لأن رح يكيفوا! رح يسرحوا ويمرحوا بالطبيعة، يشوفوا شخصيات كرتونية، يلعبوا ب-playground الأحلام وياكلوا أطيب أكل.

المطعم بقدم أكل لبناني وعالمي مع فيو بطير العقل وكل القعدة محاطة بشجر الصنوبر داير من دار وفي كمان sunset bar مطرح ما فيكن تتفرجوا على مغيب الشمس من ورا الجبل وتشربوا أطيب مشروب ببورد القلب.

صراحة كل شي مرتب وفي أمان على الآخر والفريق لي بيهتم بالولاد مجهز لكل شي!

كل أفراد العيلة رح يلاقوا سعادتن وراحتن بهالمكان، ضمن المساحة البيئية البسيطة والأكل القروي الطبيعي والمناخ النقي.

شو ناطرين؟ إذا مش عاملين بعد مشاريع هل جمعة صرتوا تعرفوا وين تروحوا!

للمزيد من المعلومات، اتصلوا على 222 554 03

شوفوا كمان، الناي: مطعم يوناني ساحر وصل على قلب زحلة.