ببلاش وللعموم: شط جديد ومميز بجبيل

أجدد وأجمل مكان اكتشفنا هوي شط أولا، جنة مخباية على بحر جبيل ومفتوحة للكل “يتفضلوا”…”الفوتة ببلاش”!

أولا هوي عبارة عن شط عام، فيكن تزوروا اليوم مع العيلة والأصحاب لتقضوا أحلى أوقات سوا.

الفوتة ببلاش، أما إذا عبالكن تستأجروا chaise longue فهيي ب5$ وكمان فيكن تعملوا كتير نشاطات مهضومة متل ركوب الجيت سكي والشخاطير بأسعار مقبولة ومدروسة.

وكمان في بار فيكن تجيبوا من عندن المشروب لي بيجي عبالكن لتبوردوا قلبكن.

المحل كتير مرتب وفي مراجيح وقصص مهضومة كتير بتحسوا حالكن بشي بلد تاني.

مش بس هيك عندن أكل طيب وموسيقى وأجواء صيفية وأكيد فيكن هونيك تقعدوا حد البحر تتغدوا على رواق بقلب القعدة الخشب.

أولا هوي المكان المميز لتقضوا في نهار كامل هل صيفية مع أصحابكن أو مجموعات كبيرة.

المي حلوة كتير ونضيفة والجو مهضوم وقريب على القلب.

للمزيد من المعلومات، اتصلوا على 955 900 81

شوفوا كمان، صيفية غير شكل بهل- ٥ مسابح بلبنان.