شو عاملين هل ويك-أند؟ شوفوا مهرجان النبيد بجيبل

متل كل سنة، بتحلى ليالي الصيفية بجبيل وهلق رح ناخدكن على المينا لنشوف شو مخبالكن مهرجان النبيد لي بلش مبارح ورح يضل لنهار الأحد.

بتجوا على المينا وبتتمشوا حد البحر وبتتذوقوا كل أنواع النبيد اللبناني وبتتعرفوا على المنتجات المحلية وبتتمتعوا بالأجواء الحلوة.

مش بس هيك، رح يكون في أكل وموسيقى وعروض فنية وترفيهية. وإذا ما بتشربوا نبيد أكيد رح تلاقوا شي بتحبوا من الأكل والشرب بالستاندات.

رح يشارك هل سنة 42 ماركة نبيد رح يعرفوا عن منتجاتن من النبيد الفاخر ويمتعوا كل الزوار بطعم المشروب مع أجواء فنية روعة، وعروضات موسيقية روعة، بمشاركة عدد من الفنانين اللبنانية المعروفين متل الفنانة ألين لحود لي رح يكون عندها حفلة اليوم والفنان المتعدد المواهب دالي غانا.

أما أسعار الدخولية السنة رح تكون 8$.

جمعوا أصحابكن وكزدروا على سنسول جبيل الأثري وقضوا وقت حلو.

للمزيد من المعلومات، اتصلوا على بلدية جبيل 085 280 01

شوفوا كمان، مشوار على حمانا: قضوا النهار عم تحوشوا كرز عند جنينة جميل.