صيفية غير شكل بهل- ٥ مسابح بلبنان

صار وقت الصيفية، و إذا بتحبوا تسبحوا وتقضوا وقت مميز مع رفقاتكن بمحل خاص ومميز غير عن المسابح لي بالعادة بتروحوا عليها، لقينا هالمحلات المميزة!

١. أوتيل فينيسيا، بيروت

هالمسبح الرائع موجود بقلب الأوتيل، وبيتمتع بقعدة فاخرة مع بيرغولا بقلب المي وبيتميز بوجود مطعم وغرف فاخرة.

الرقم: 100 369 01

٢. قصر المير أمين، بيت الدين

بيسين قاعد بقلب قصر أثري عمرو ميات السنين وبيتمتع بقعدة تراثية ومطعم ساحر بين الشجر والورد. ما في أجمل من السباحة بهل قصر الرائع المكلل بالقناطر وبطل على أجمل المناظر ببيت الدين.

الرقم: 318 501 25

٣. شاتو كابانا Chateau Cabana، البربارة (جبيل)

شاتو كابانا أكيد رح تستمتعوا بوجود أجمل القناطر في وبالأجواء الرائعة، هالمسبح بيتمتع كمان ببركة بنص المي وبمنظر على البحر.

الرقم: 685 885 76

٤. روكا مارينا، شكا

مسبح الموجود بمنطقة شكا، رح تستمتعوا بالسباحة والهدوء والمنظر الطبيعي يلي بحيط في، الجبال حوالي والنسمات الحلوة بتغمركن. وإذا عبالكن تجربوا شي جديد مع الشخص يلي بتحبوا، جربوا مطعم بيي دان لو Pieds dans L’eau يلي رح يعيشكن تجربة الأكل وإنتو حاطين إجريكن بالمي.

الرقم: 444 714 81

٥. لوبيرج دي إمير L’Auberge des Émirs، دير القمر

بيتمتع فندق L’Auberge des Emirs بمساحة للاسترخاء الشخصي وللترفيه العائلي وبيتألف من مطعم وبيسين خاص وفندق على الطراز الملكي. أول ما تلاقوا قناطر وشجر وبيسين بطير العقل، بتكونوا وصلتوا. على التراس حلو فنجان القهوة بين القناطر والشجر وقدام المناظر الطبيعية الخلابة بعد السبحة.

الرقم: 507 656 71

شوفوا كمان، تعوا نزور أجمل مطاعم عمشيت عالبحر.