مشوار على طرابلس: قعدة ولا أروع على النهر الجاري

اليوم رح نعمل كزدورة على عاصمة الشمال طرابلس وتحديداً على منطقة قبعيت لنتعرف على هل مقهى ومطعم نهر الشيخ قبعيت.

هل مطعم هوي الدوا لي إنتو بحاجة لإلو بهيك طقس لتبوردوا قلبكن من الشوبات.

أجمل قعدة على النهر الجاري بتلاقوها بهل مطعم!

مقهى ومطعم نهر الشيخ قبعيت هوي أجمل مكان لكل حدا عبالو يهرب من الفوضى ويقضي وقت بالطبيعة.

بقدم كل أنواع المأكولات الشرقية والمشاوي وأطيب أنواع السمك الطازة. كل شي بيتحصر وبينطبخ على الحارك قدام عيونكن.

هونيك فيكن تسبحوا بالنهر وتقعدوا بين الخضار والشجر، وأكيد ما مننسى البطيخ المسقع بعد الغدا لأنو غير هيك ما حلوة الضهرة.

رح يكون نهاركن غير شكل، مع المي الجارية والقهوة على الفحم والغدا بالطبيعة.

فيكن تجيبوا معكن عرانيس درة وتحطوهن على المنقل بعد ما تخلصوا حفلة المشاوي وترجعوا تحطوا ركوة القهوة وتتركوها تستوي على أقل من مهلها على الفحم بتطلع ولا أطيب من هيك!

عنجد مشوار من العمر!

لحجز محلاتكن اتصلوا على 637 230 03

شوفوا كمان، مشوار على حمانا: قضوا النهار عم تحوشوا كرز عند جنينة جميل.