هالمطعم اليوناني المميز وصل على البترون!

بتحبوا الأكل الإيطالي واليوناني؟ أو عبالكن تجربوا مطرح رومانسي مع الشريك؟ خلونا نخبركن عن هالمطعم اللي فتح جديد بالبترون! مطعم Mediterraneo فتح بوابو بال Lebanese Diaspora Village بقلب البترون وجاهز يستقبلكن على أشهى الأطباق اليونانية والإيطالية على قعدة كتير رومانسية.

هالمطعم عندو فرع ببرمانا وهلق بالبترون، قاعد بقلب ال Lebanese Diaspora Village، بين العمار القديم والشبابيك الخشب والقناطر العالية مع الأجواء الرومانسية اللطيفة، بيتميز بالقعدة الملونة والمفرفحة اللي بتحسسكن إنكن بروما. مطعم Mediterraneo من أفضل المطارح بهل صيفية لتعزموا الشريك على عشا طيب وغير شكل بالبترون.

عدا عن الأجواء الحلوة والرومانسية، مطعم Mediterraneo بيتميز بتقديم أطباق إيطالية على أصولها، من بيتزا على الحطب والباستا على أنواعها بصوصات شهية، كمان بتلاقوا أطباق يونانية تقليدية معمولة بأعشاب مميزة وطعمها بياخدكن على اليونان متل دجاج السوفلاكي، وحتى مأكولات بحرية ومازة شرقية مقدمة مع سلطات غير شكل متل سلطة البطيخ المشهورة بالمطعم، يعني بتلاقوا شي بناسب كل الأذواق.

مشوا معنا على مطعم Mediterraneo هالصيفية!

للمزيد من المعلومات، اتصلوا على 295 200 03

شوفوا كمان،٥٠ محل تزوروه هالصيفية بلبنان: من الشمال للجنوب!