مطعم فوار الحاصباني: قعدة ساحرة جنب النهر بأحضان الطبيعة

بمشوار اليوم طالعين على الجنوب وتحديداً صوب مرجعيون-راشيا، هالمنطقة اللي مخباية جواهر وكنوز من طبيعة وجمال بلبنان، بتتميز بالوديان العميقة والجبال الخضرة والأنهار اللي بتصب فيها. قررنا ناخدكن على ضيعة حاصبيا على مطعم مميز بالمنطقة، مطعم فوار الحاصباني بيقدم أحلى قعدة جنب النهر بأحضان الطبيعة.

مطعم فوار الحاصباني صرلو من سنة ال 1966 بيستقبل الناس على قعدة غير شكل على ضفاف نهر الحاصباني، بتنبسطوا بلقمة لبنانية مميزة على صوت الميّ الجارية، والهوا عم يغزل غزل بين الشجر.

عندن جنينة واسعة مزينة بالورد والشجر وبقلبها نافورة ميّ مهضومة، مكان حلو للولاد تيسرحوا ويلعبوا ويغيروا جو بقلب الطبيعة.

هالمطعم عندو قعدة تراس بترد الروح، بتطل على النهر وقاعدة بحضن الوادي، مطرح روعة لتشموا هوا نضيف، تنبسطوا بغدا طيب مع العيلة، وتروقوا راسكن على كاس عرق بلدي. مطعم فوار الحاصباني بيقدم أطباق لبنانية شهية من مشاوي ومازة على أصولها، أنواع متنوعة من السمك الطازة متل السلمون والترويت، اللحمة النية من كبة وسودة مع أطيب الخضرة والبهارات، وكمان سلطات وتبولة مميزة، السفرة مليانة والصحون مغنجة بكل كرم!

شو رأيكن؟ عبالكن تروحوا معنا على مطعم فوار الحاصباني؟

للمزيد من المعلومات، اتصلوا على 586 297 03

شوفوا كمان، تعوا نزور أجمل مطاعم عمشيت عالبحر