تعوا نزور أجمل مطاعم عمشيت عالبحر

إجت الصيفية ومتل ما بتقول غنية زياد برجي “وهلق رح نقضيها مشاوير” ومين فينا ما بحب يستغل هالموسم ويقضي وقت مع العلية والأصحاب بمطاعم على البحر، وكرمال هيك اخترنالكن بعض أجمل المطاعم على البحر بلبنان لي عنجد فيكن تستمعوا فيا بقعدة صيفية مع الفيو أهم شي.

١. كركند

قعدة صيفية بإمتياز وأكل شرقي بقدملكن يا مطعم كركند، هالمطعم لي قاعد على البحر بحضر أطيب الأطباق البحرية والسمك الطازة من البحر، يعني فيكن تعتبروا حالكن بهالطقس قاعدين بقلب البحر مع إطلالة بتقطع الأنفاس.

الرقم: 411 775 81

٢. لو كاب Le Cap

هالمطعم بيتميز بقعدة على البحر وإطلالة رائعة خاصة هلق بالصيفية، وبقدم أكل شرقي فاخر من مازات لبنانية لأسماك ومأكولات بحرية على أنواعها وما بدنا ننسى البرمة بالبحر ليلي بحب بعد الأكل. القعدة على البحر بتاخدكن بخيالكن لبعيد!

الرقم: 377 623 09

٣. زيتون عمشيت

هل مطعم بقدم كل أنواع المأكولات البحرية طازة وفريش من البحر على طاولتكن. الأجواء عندو exotic بتشبه أجواء اليونان، بتاكلوا وبتسمعوا صوت الموج إنتو وعم تاخدوا أجمل الصور وتستمتعوا بأحلى الأوقات مع لي بتحبوهن.

الرقم: 313 633 71

٤. بابل بحر

واحد من أشهر المطاعم بمنطقة عمشيت، بيتميز بتصميمو الفاخر وقعدتو الفريدة المطلة على البحر، وبقدم العديد من الأطباق الشرقية والأسماك الشهية وأكيد الحلويات والمشروبات على أنواعا.

الرقم: 999 620 09

٥. نسمة غنوة

أول ما تفوتوا من الباب رح تحسوا حالكن سافرتوا على جزيرة باليونان، كل شي حواليكن أبيض وأزرق والمي تحتكن. رح تلاقوا أكلات سمك غير شكل مع جلسة على البحر وجو عمشيتي أصيل، كل شي فريش رح يجي على صحنكن والجو حلو كتير وصوت البحر رح يخلي قلبكن يدق.

الرقم: 227 454 03

شوفوا كمان، ٥ مطاعم مميزة ببسكنتا لازم تجربوها هالصيفية!