خبر محزن…وفاة الشيف رمزي بعد تعرضه لأزمة قلبية

خبز كتير مؤلم وبيزعل اليوم، وفاة الشيف اللبناني رمزي شويري مبارح بالليل بعمر ال 52 بعد تعرضه لأزمة قلبية حادة.

كلنا عناّ ذكريات حلوة للشيف رمزي، من تقديم فقرة الطبخ على شاشة تلفزيون المستقبل بالتسعينات، لإبتسامته الحلوة وروحه العفوية اللي كان يرحب فيها بالمشاهدين كل ما يعطيهن النصايح ويتفاعل معن على الشاشة مباشرةً.

هالخبر أدى لحالة صدمة وحزن على السوشال ميديا على شخصية الشيف الرمزي اللي رافقت طفولة كتار من اللبنانيين:

خبر محزن #شيف_رمزي الله يرحمك وتكون نفسك بالسماء 🙏 pic.twitter.com/QlJhMylgy5

— Cyrine Abdelnour (@CyrineAbdlNour) June 18, 2023

الي ما عاش طفولته مع برامج #الشيف_رمزي ما رح يحس بالحزن بوفاته 🥲 الله يرحم روحك شيف 💔 https://t.co/GD9JwGBoWb

— Rami Saab || رامي صعب (@ramiasb1) June 18, 2023

حزين هذا الخبر ،الموت يسرق #الشيف_رمزي الخلوق المحترم الذي عرفته عن قرب وتعرّفت على أخلاقه وإنسانيته …وداعاً الشيف #رمزي_الشويري في أمان الله 🙏 pic.twitter.com/PRK2RfI3Yt

— Rabia Zayyat (@rabiazayyat) June 18, 2023

مش بس إنشهر الشيف رمزي بتقديم برامج الطبخ التفاعلية، بس كمان بإطلاق كتب متنوعة عن الطبخ بتحمل أفضل الوصفات التراثية اللبنانية اللي ترجمت لكتير لغات وحملت المطبخ اللبناني للعالم! وأكيد ما مننسى لما فات بموسوعة غينيس Guinness World Records لأكبر صحن حمص بالعالم (10.452 كيلو)، وأكبر صحن تبولة (3.453 كيلو) وكمان للفلافل (150.000 قطعة).

كما انو الشيف رمزي إنعرف بجهود معطاءة وأعمال إنسانية من خلال مؤسسة الكفاءات اللي قدمت برامج تأهيلية وتعليمية ومراكز رعاية للمعوقين وذوي الإحتياجات الخاصة حول لبنان.

الشيف رمزي ترك بصمته بالمطبخ اللبناني و أثره بقلوب اللبنانيين، لروحك السلام!