تعرفوا على أوتيل من الأحلام ببكفيا… قعدة جبلية بين الورود

من أجمل الأماكن يلي فيكن تلاقوها بلبنان هوي أوتيل ماريلاند Merry Land،فندق مليان ألوان وقعدات حلوة.

هل أوتيل قاعد بمنطقة النعص ببكفيا، بيشبه الحلم… كل شي في رح يخليكن تحلموا من الطبيعة للقعدات الملونة للزهر والأكل الطيب.

أول ما تلاقوا شجرة كبيرة وجنينة خضرا وحلوة، بتكونوا وصلتوا. بالجنينة بيحلى فنجان القهوة بين الورود والشجر ومع قعدة البيرغولا الهادية.

هل أويتل عبارة عن بيوت زغيرة من حجر أثري وقرميد أحمر مع تراس زغتور ومنظر بخلي القلب يدق… الجبال والوديان الخضرا والبحر على مد عينكن والنظر، بتحسوا حالكن فوق الغيوم!

وبس تفوتوا، رح تنسحروا من الديكور والألوان الهادية والتصميم للأوتيل المميز. بتحسوا بدفا البيت بقلب الأوض قد ما شرحين وفين حنان ما بيتفسر، بتطلعوا على التراس وبتحطوا فيروز على الهدا وبتنسوا الدني كلا.

النومة رح تكون متل ما إنتو بتحلموا، تخت مريح، برود وورود، تراس وجو جبلي مريح على الآخر بذكرنا بغنية سلوى القطريب “خدني معك على درب بعيدة” لأن فعلاً هل أوتيل رح ياخدكن على درب بعيدة.

بتفيقوا الصبح بتلاقوا لبنة، جبنة، مع زيتون وخبز، وشاي أسود عم يغلي وكروسان مع شوية بيض. رح تاكلوا الترويقة اللبنانية اللذيذة بهيدا الأوتيل يلي بينبض بالجو الحلو والجبلي.

ليلة وحدة بقلب Merry Land Hotel بتحسوا حالكن سافرتوا عغير بلد ونسيتوا مشاكلكن كلا!

لتحجزوا اتصلوا على 390 777 71

شوفوا كمان، لقينا أجمل مطاعم برمانا بالهوا الطلق.