بالفيديو: زورنا البيت اللي قضت فيه الأيقونة فيروز طفولتها

لما الأيقونة فيروز غنّت بصوتها العذب “آه يا سهر الليالي، آه يا حلو على بالي” أكيد كانت عم تغني عن ذكريات طفولتها العزيزة اللي على الأغلب قضتها بقلب بيت طفولتها!

هالبيت اللي مخبي بزقاق البلاط بمدينة بيروت والبيت الوحيد المتبقي بالشارع، اليوم قررنا ندخل على بيت السيدة فيروز ونكتشف شو مخبي قصص وحكايات بترجعنا على زمن فيروز الدهبي، شوفوا معنا بالفيديو:

@beirut.com Discovering Fairuz’s hidden haven: Exploring her abandoned childhood home, where melodies once echoed 🌟🏡🎶 #beirut#lebanon#fairuz#legend#abandonedhouse#urbex#fyp ♬ Nehna We El Kamar Geeran – Fairouz

البيت المشهور بأسلوب العمارة العثماني القديم من القرن الـ19 هو البيت اللي ولدت وترعرعت فيه السيدة فيروز وقضت حياتها مع عيلتها فيه، بيت بيروتي قديم بشبابيك مقنطرة وجنينة زغيرة فيها شجر الأكادنيا ونافورة ميّ عتيقة، البيت من حيطان وسقوفية وبلاط وبواب وشبابيك بحاجة لدعم وترميم من أول وجديد.

وكان في وعود بترميم البيت وجعله متحف مفتوح على كل ناس للمحافظة على تاريخو وأثره بعالم الفن اللبناني، بس مش معروف أيمتن.

البيت الذي ولدت وترعرعت فيه السيدة فيروز في زقاق البلاط – بيروت ❤️
هناك وعود بترميمه وجعله متحفاً!

Fairuz house, Zokak al-Blat.
Still waiting to be renovated! pic.twitter.com/1Su8e9EHL8

— May (@FawazMay) March 6, 2019

شوفوا كمان، بالفيديو: زورنا ٦ أماكن مهجورة ومخيفة بلبنان