٥ مطاعم مميزة ببسكنتا لازم تجربوها هالصيفية!

مشوا نطلع اليوم على وحدة من أجمل المناطق الجبلية، على ضيعة بسكنتا، نتمشى بين بساتين التفاح ونستأنس بالهوا الحلو! لقينالكن 5 مطاعم مميزة ببسكنتا لازم تجربوها هالصيفية، مشوا نتعرف عليهن سوا.

1. مطعم النهر

مطعم النهر بيستقبلكن على قعدة فوق الميّ الجارية بقلب الطبيعة، بتجربوا أكلة سمك غير شكل مع جاط تبولة محرز ومازة على أنواعها، مطعم مميز لضهرات العيلة، خصوصي انو في ألعاب للولاد ليتسلوا وينبسطوا!

الرقم: 197 288 04

2. طاولة باكيش – قناة باكيش

لمحبي البوفيهات والقعدات بالطبيعة لازم تجربوا طاولة باكيش لسوق الطيب. طاولة باكيش بتقدملكن جلسة تحت بساتين التفاح، النفس الجبلي الأصيل، طبخات وأكلات بسكنتا الفريدة، جو تراثي روعة مع أجمل المناظر الجبلية بالمنطقة!

الرقم: 301 767 81

3. مطعم جسر النهر

أول ما توصلوا على مطعم جسر النهر رح تحسوا بالجو الرايق والحلو بالطبيعة، بتقدروا انتو تتصيدوا سمكاتكن على ذوقكن، بيقدموا السمك مع تتبيلة خاصة، عندن كمان الفتوش غير شكل، قعدة تراس مميزة، وتحلاية وفواكة لتحلى القعدة أكتر وأكتر.

الرقم: 858 288 04

4. فرن كريكور

فرن كريكور عبارة عن فرن لبناني تقليدي بيعمل المناقيش على أصولها ومن اشهر المحلات بالمنطقة، بتلاقوا عندو أطيب ترويقة ببسكنتا، عندو مختلف الطعمات التقليدية اللي عبالكن تجربوها ومقدمة بكل حب!

الرقم: 655 757 03

5. Bevview

ذا بيفيو عندو قعدة مخدات معلقة بالسما وبين الغيوم، بتلاقوا مراجيح وجنينة حلوة بين الصخر والورد، مطرح مميز لضهرة رومانسية على غروب الشمس مع الشريك!

الرقم: 489 348 76 – 976 623 03

شوفوا كمان، ٨ مطارح بقعدات مميزة بالهوا الطلق هالصيفية