الناي: مطعم يوناني ساحر وصل على قلب زحلة

مش من زمان كتير فتح مطعم يوناني جديد بقلب زحلة وعم يسحر كل مين عم بزوروا لأول مرة.

أول ما تفوتوا على مطعم الناي لح بتلاقوا طاولات ملونة بيطغي عليها لون الأزرق والأبيض… يعني ببساطة أجواء يونانية ريفية.

بين الموساكا والخبز اليوناني مع التساتزيكي ودجاج سوفلاكي وسلطة الروكا والسلطة اليونانية وغيرها من الأطباق، بتحتاروا شو تاكلوا عندو. بس ما تعتلوا هم، شو ما تطلبوا رح يكون بشهي.

الديكور رح يجبلكن أجواء اليونان البيتوتية على طاولتكن. كل لقمة دجاج وسلطة مع التتبيلات اليونانية رح تبعتكن على رحلة ممتعة على شوارع سانتوريني مع حبيبكن.

أما البطاطا فبتجي مع خلطة خاصة ممزوجة بالتتبيلات اليونانية لتضفي عليها طعمة جديدة وغريبة.

رح تعيشوا سفرة على اليونان بقلب لبنان!

بس تخلصوا أكل، تركوا مساحة للحلو اليوناني، ما رح تتوقعوا قدي طيب ومليئ.

بس قبل ما تروحوا لازم تعرفوا إنو الأسعار عند مطعم الناي مدروسة وهيك بيكمل معكن مشواركن على الآخر.

لتعرفوا أكتر عن هل محل، اتصلوا على 975 599 03
الموقع: كسارا، زحلة

شوفوا كمان، سما الزعرور: جنة لازم تزوروها هل-صيفية بلبنان.