بتحبوا المغامرة؟ شوفوا ٨ مشاوير حماسية وحلوة حول لبنان

ما بتحلى الضهرة إلا بالطقس الحلو والمشمس، خلونا اليوم نهرب من جو المدينة ونروح صوب الريف والجبل، ونتعرف ٨ مشاوير حماسية وحلوة حول لبنان.

1. عيشوا تجربة حواش الكرز مع Bchaaleh Trails Association بمنطقة بشعلة

مهرجان تحويش الكرز ببشعلة ناطركن على نشاطات مهضومة وأكل طيبة وجمعات حلوة، بتتمشوا بين بساتين الكرز وبتتعلموا عن موسم تحويش الكرز من المزارعين بالمنطقة، المهرجان كل يوم لحد آخر شهر حزيران.

الرقم: 640 664 03

2. قضوا وقت حلو وإلعبوا مع حيوانات المزرعة عند Donkey Farm بمنطقة معاصر الشوف

إذا عندكن ولاد وحابين تكزدروهن، مزرعة الحمير بمعاصر الشوف بتقدملكن نشاطات كتير مهضومة مع حيوانات المزرعة من حمير وأرانب وخواريف ومعزة، خصوصي إذا عندكن ولاد زغار، كتير بينبسطوا!

الرقم: 811 711 76

3. تفرجوا على الدباديب ومختلف الحيوانات البرية عند Animal City بمنطقة زكريت

بالأنيمال سيتي بتتعرفوا على الحيوانات البرية عن قرب، على حياة الغابة، وكمان بتقدروا تعبطوا الدبدوب! أديه مهضوم هالشي؟

الرقم: 115 171 76

4. مارسوا رياضة التسلق مع Lebventures بأعالي أفقا

إذا عبالكن تحدي جسدي وبعلّي الأدرنالين، مشوا مع Lebventures هالويك-اند لأحلى النشاطات الحماسية بالطبيعة، كل اللي عليكن تلبسوا صباطن المريح، تحجزوا عندن، وهني بأمنولكن كل شي!

الرقم: 617 846 76

5. زوروا الكلاب المهضومة عند Give Me A Paw براس المتن

إذا انتو من محبي الكلاب، ميلوا على Give Me A Paw براس المتن بأحضان غابة صنوبر كبيرة، وبتقضوا أحلى الأوقات مع الكلاب المهضومة وبالطبيعة الحلوة! وزوروا الموقع هون لتعرفوا كيف فيكن تدعموا هدفن الإنساني!

6. انبسطوا ب Hike على غروب الشمس مع Dale Corazon بمنطقة حمات وسرجبال

انضموا لفريق من المستكشفين لتكتشفوا سوا كل الكنوز المخباية بحمات وسرجبال، وكمان بطريقكن بتستمتعوا بغروب للشمس كتير مميز!

الرقم: 118 986 70

7. مارسوا رياضة ال Rappel عند Chmyse بأحضان جزين

عبالكن تجربة Rappel حماسية وجنبكن شلال بياخد العقل؟ إنطلقوا على مخيم شميسة، جهزوا الخيمة، وجهزوا حالكن لمغامرة غير شكل! للحجز، تواصلوا معن على الإنستغرام هون.

8. إكتشفوا جزيرة الأرانب بنص البحر مع Lebanon Outdoor Activities بقلب طرابلس

أكيد ما بيكمل مشواركن على طرابلس من دون طلعة بالقارب على جزيرة الأرانب! المنظر من هونيك رح يسحركن عنجد!

الرقم: 579 599 03

شوفوا كمان، ٤٠ محل تزوروه هالصيفية بلنان: من الشمال للجنوب!