بالفيديو: زورنا ٦ أماكن مهجورة ومخيفة بلبنان

إذا انتو من محبي المغامرة وعشاق الأدرنالين، اليوم رح ناخدكن مشوار مميز! عملنا برمة زغيرة بلبنان ولقينا ٦ أماكن مهجورة ومخيفة بلبنان عنجد بتوقف شعر البدن! خلونا نشوف سوا هالأماكن وكلو موثّق بالفيديو!

1. كلية الزراعة للجامعة اللبنانية

هالكلية كانت عبارة عن حصن عسكري خلال الحرب الأهلية من سنة ال 1988 لسنة ال 1990 ، شهدت معارك وإشتباكات كتيرة كانت السبب الرئيسي على الحالة اللي هي عليها اليوم.

@beirut.com From a Lebanese University🏫🌾👩‍🌾 to a military 🪖stronghold, this building has witnessed significant historical shifts! #urbex#university#beirut#lebanon#history#graffiti#abandoned ♬ Square Rooms – Al Corley

2. بيت لبناني قديم ومهجور بضيعة بيت شباب

هالبيت اللبناني التراثي كان ملك عيلة لبنانية غنية هجرت البيت وقت الحرب الأهلية، وما عاد حدن سمع عنن شي. بيعتبر واحد من الكنوز المخباية اللي فيكن تكتشفوها بضيعة بيت شباب.

@beirut.com Uncovering hidden stories on the rooftops of Lebanon. The red tiles of this abandoned home in Beit Chabeb hold echoes of a bygone era, a testament to the craftsmanship and traditions of the past. 🏰✨ #ExploringHistory#abandoned #beitchabeb#ArchitecturalHeritage#urbex#lebanon#fyp ♬ Konna Netlaka – Fairouz

3. مطعم تراس دبيبو المهجور على صخرة الروشة

بزمانو هالمطعم كان مشهور بالمنظر الروعة اللي بيطل على صخرة الروشة وكان يجذب الناس من وين ما كان، حالياً المطعم مهجور ، وما بيطلع منو حس، بس بعد فيكن تنبسطوا بالمنظر الساحر من داخلو وببلاش! بتلاقوا جوا قصص قديمة عمرها أكتر من 10 سنين!

@beirut.com Exploring the forgotten halls of Dbaibo restaurant in Raouche 🏚️🍽️ #abandonedplaces#historyuniversity#urbex#beirut#lebanon🇱🇧 #raouche ♬ Veridis Quo – Daft Punk

4. هالبيت العتيق والمهجور المخبى بالكارنتينا

هالبيت المهجور بيتميز بأسلوب العمارة الشرقي والعثماني من قرن ال19 الميلادي، لأنو كتير قريب على المرفأ للأسف تضرر كتير وقت الإنفجار!

@beirut.com Exploring a forgotten gem in Karantina, Beirut! This abandoned house has stood many obstacles but it's on the verge of collapsing. #UrbanExploration#urbex#beirut#lebanon#abandoned ♬ La Lecon Particuliere – Bof La Lecon Particuliere – Francis Lai & Christian Gaubert

5. فندق العامرية المهجور

أوتيل العامرية القديم قاعد على مدخل ضيعة بكفيا ومهجور من إيام الحرب، كان يعتبر واحد من أهم الفنادق بلبنان لي بيملكوا رجل أعمال كان معروف من زمان إسمو قيصر عامر. بتلاقوا قصتو كلها بالمقال هون.

@beirut.com Exploring the abandoned Amrieh Hotel 🏨: a forgotten beauty, steeped in history and its whispered secrets👻 #abandoned#hotel#lebanon#beirut#fyp#urbex#hiddengem#spooky ♬ Creepy and simple horror background music(1070744) – howlingindicator

6. كنيسة القديس مار يوحنا ببكفيا

بالقرب من فندق العامرية المهجور، بتلاقوا كنيسة قديمة بترجع لوقت الخمسينات، رغم كل شي مرق على هالكنيسة، بعدها محافظة على جمالها وتاريخها العريق وتعتبر كنز مخبى بأحضان بكفيا!

@beirut.com Unveiling the abandoned beauty of St John’s Church next to the Amrieh Hotel. Do you guys think that was an actual coffin? ⛪️⚰️ #MarEliasChurch #Abandoned#stjohn#urbex#ExploringHistory#spooky#lebanon#beirut #ArchitecturalHeritage ♬ Losing My Religion – Gregorian

خبرونا بالتعليقات شو بعد في أماكن مهجورة زرتوها بلبنان!

شوفوا كمان، وين أجمل منظر مغيب الشمس بشمال لبنان؟