٣٢ جملة غريبة عجيبة بتشوفوههن بس على الباصات اللبنانية

كلنا منفرط ضحك بس نقرا هل جمل الغريبة العجيبة على الباصات اللبنانيي ومنصير نحلل القصص لي وراها، جمعنالكن أكتر جمل منشوفن مهضومين ولي البعض منن فيهن شي من الواقع.

١. عين الحسود ما تبلى بالعمى

٢. بضبية جهزوني وبخلدة جوزوني

٣. حامية وريحتها فل وحارقة قلوب الكل

٤. ما تشوفني عم اتدرج… دوبلني واتفرج!

٥. رضا الله ورضا الوالدين

٦. ميلي على ميالك، أبو طارق خيالك

٧. عشقت السفر من ظلم البشر

٨. ما تلحقني مخطوبة

٩. لولا المصالح ما حدا صالح

١٠. المكتوب على المرايا مخصص للصبايا

١١. بس للحلوين

١٢. ما تسرع يا بابا الماما ناطرتك

١٣. دلوعة أبو حبيب

١٤. حبيب يارا

١٥. رضاكي يا إمي

١٦. سيري وعين الله ترعاكي

١٧. انا السوزوكي بغني وسألوا الكيا عني

١٨. مر وعدي وبلا تحدي

١٩. الرصاصة لي لفت الكوع

٢٠. يا جبل ما يهزك ريح

٢١. ما تجحش محسوبك متوحش

٢٢. ما تطرنب أنا الأص

٢٣. بعبع المنطقة الغربية

٢٤. ما تعاند الصقر يا طير الحمام

٢٥. تمشى و تدلع و خلي الزفت يولّع

٢٦. عضة أسد ولا نظرة حسد

٢٧. ما تزمر ورايي شايفك بالمرايي

٢٨. دايخ بعالم بايخ

٢٩. ما تجحش محسوبك أجحش

٣٠. على المطب بدلعها وعلى الطرقات بولعها

٣١. ما بتعرف خيري لتجرب غيري

٣٢. ما تلعب معي أنا واوا

إنتو خبرونا، شو كمان بتتذكروا من هل الجمل الطريفة؟

شوفوا كمان، ١٩ متل لبناني مهضوم عن شهر حزيران.