سما مليتا: مطعم لبناني معلّق بين الغيوم

عبالكن قعدة يتسحر العيون وبترد الروح بالجنوب؟ اليوم إطلعنا على جوهرة مخباية بجبال الجنوب، مطعم سما مليتا جاهز يستقبلكن على قعدة من الخيال بين الغيوم بضيعة عين بوسوار الجنوبية.

مطعم سما مليتا معلّق بين الأرض والسما، بيتميز بقعدة خيالية بتحبس النفس، بتلمس الغيوم الييضا والشمس الساحرة وقت الغروب، وبتحسوا حالكن رحتوا على عالم تاني.

قعدة التراس روعة بقلب جنينة كبيرة، بيغزل فيها الهوا والنسمات الحلوة، بتاخدكن وبتجيبكن معها ريحة الورد الجوري. الكراسي مريحة والقعدة بتناسب العيل والجمعات الكبيرة، من أروع المطارح لتجربوها بالجنوب خصوصي بالصيفية لما يكون الطقس مشوب شوي وعبالكن ضهرة محرزة لتغيروا جو وتقضوا احلى اللحظات.

المطعم بيقدم الأكل اللبناني على أصولو، سفرة مازة مفروشة على مد نظركن، لحمة نية من كفتة وفراكة وكبة وسودة وملسة على الطريقة الجنوبية، ورق عنب وحمص ومتبل جنبن جاط تبولة أو فتوش، مازة سخنة من عرايس كفتة وسجق ومقانق وبطاطا حرة ومعجنات طازة وطيبة، عدا عن المشاوي على أنواعها من لحمة مشوية وطاووق، لفراريج مشوية على الفحم، يا عين!

للحجز أو المزيد من المعلومات، اتصلوا على 460 400 03.

شوفوا كمان، أطيب بوفيه مع منظر روعة: “طاولة باكيش” أخيراً وصلت على بسكنتا!

كملوا مشواركن بالجنوب هون.