شوفوا معنا ١٩ متل لبناني مهضوم عن شهر حزيران

ما في أهضم من الأمتال اللبنانية يلي بتخبرنا كيف كانوا جدودنا يشوفوا الحياة وأضحك شي أمتال أشهر السنة. من بعد ما خبرناكن عن أمتال شهر آيار ونيسان، اليوم إجا دور شهر حزيران.

١. شهر حزيران في الحصاد نيران

٢. حزيران شهر الكيف، أولتو ربيع وآخرتو صيف

٣. حزيران الهاوي وتموز الشاوي وآب الكاوي

٤. بحزيران بتدخل الشمس برج السرطان وبتقول للحر أهلا بأعز الخلان

٥. بحزيران بيكبر الرمان

٦. حر حزيران بيعمل الحليب عيران

٧. تعبك ع صوص حزيران ما بيروح ضيعان

٨. حزيران أبو الحلايش

٩. بحزيران الجو نيران

١٠. بحزيران بتبقى الدرا متل الخيزران

١١. حزيران طباخ المشمش

١٢. بحزيران بينزل المشمش وبيكبر الرمان

١٣. بحزيران بقرقع المرجوبان

١٤. حزيران قزة وسنبلة ومشمشة

١٥. حزيران يا بيطلع سطيحة يا بطيخة

١٦. حزيران مرغي الحيدان

١٧. بحزيران كب المي عراسك يا نعسان

١٨. بحزيران البرد ما بيموت ليستوي التوت

١٩. بحزيران العشب فان

شاركونا أمتالكن المفضلة عن شهر حزيران!

شوفوا كمان، ١٥ شغلة بتصير معك بس تكون بمحل تياب بلبنان.