قعدة جنب البحر أو النهر؟ شوفوا هال 6 مطاعم بالجنوب على الميّ

ما في أحلى من القعدة بأحضان الطبيعة على ضفاف النهر أو على صوت البحر! إذا عم تبرموا على هيك قعدة بترد الروح بالجنوب، خلونا نشوف 6 مطاعم بجنوب لبنان مع قعدة حلوة على صوت الميّ.

1. مطعم الشلال، جزين

تخايلوا لقمة لبنانية طيبة على قعدة جنب شلال جزين الغزير، مطعم الشلال بيقدم جلسة مميزة بجزين على صوت الشلال، بتقعدوا على التراس وبتحسوا بالبرود وقدامكن سفرة لبنانية على مد نظركن.

الرقم: 067 780 07

2. مطعم نبع البحصاصة، حاصبيا

عبالكن قعدة بترد الروح على صوت النبع؟ مطعم نبع البحصاصة قاعد جنب نهر الحاصباني، بيتميز بجلسة مقنطرة ورايقة، مخباية بالشجر والورد الجوري، طواحين قديمة بقلب الميّ، وجسر زغير فوق النبع.

بتدوقوا أطيب المشاوي، الفتوش مع زبيب وجوز، سمك مشوي، وأكيد مختلف أنواع اللحمة النية على الطريقة الجنوبية.

الرقم: 000 553 07 – 778 777 70

3. دار ألما ، صور

مطعم وأوتيل موديل قديم على بحر صور، بتقعدوا على التراس بالهويات، بتروقوا راسكن على صوت البحر ومنظر الموجات الرايحة والجاية، وكمان من احلى الأماكن لتتفرجوا على غروب الشمس مع أحبابكن بمدينة صور.

الرقم: 082 740 07

4. راستيكا ، صور

أوقات النفسية بحاجة لترويقة طيبة على الشط، وبتلاقوا مطعم راستيكا عندو أطيب ترويقة على بحر صور مع فنجان قهوة غير شكل!

الرقم: 183 827 03

5. المستشار ، صيدا

مطعم المستشار بيتمتع بمنظر الشط الحلو جنب قلعة صيدا القديمة، وبقدملكن قعدة تراس مميزة على صوت البحر وموجاتو.

الرقم: 000 855 03

6. مطعم وكافيه أبواب ، جباع

عبالكن جلسة تحت شجر الزيتون وبأحضان الوادي؟ جربوا أطيب لقمة مرقوق على صوت النهر عند كافيه أبواب، بيت ضيعة من الحجر العتيق بيقدم أكل طيب على الببور وبرجعكن على أيام زمان.

الرقم: 070 811 81

شوفوا كمان، لأول مرة بلبنان: بوظة على غاردينيا!

حابين تعرفوا أجمل الضهرات والمشاوير بالجنوب؟ كفوا مشواركن هون.