حلبوسا: أوتيل من عالم الخيال بضيعة القبيات

اليوم منطلع مشوار على أجمل الضيع بلبنان… القبيات. هالضيعة قاعدة بالشمال على سفوح الجبال الخضرا والوديان المباركة.

بقلب هل ضيعة مخبى بيت قبة بنص الغابة رح يخليكن تسرحوا بخيالكن لبعيد.

بدل الأوض، حلبوسا بنيمكن بقبة كلا حجر متل إيام العصر الحجري لتقدروا تنسوا كل شي حواليكن.

تخايلوا حالكن عم تفيقوا الصبح وتشوفوا كل هل الجمال من الشباك.

من السما للجبال، للطبيعة الجبلية والخضار لي مغطى كل شي، كلو قبالكن. أكيد في شبابيك قزاز فيكن تشوفوا منن جمال الطبيعة بس بدكن تتفيّوا من الشمس وللخصوصية، بس لما تطلعوا لبرا لح بتشوفوا جمال الضيعة كلو قبالكن مع ترويقة ناطرتكن من بزورات، مربيات، بسكويت، شاي، زهورات وقهوة وقصص طيبة كتير مع قنينة نبيد.

غير هيك، بس يطلع على بالكن بتدوروا السيارة وبتروحوا تستكشفوا هل ضيعة الحلوة وتاكلوا من عند أطيب المطاعم متل رودنيز، المسمكة وزهرتوني.

بالنسبة للأسعار فهيي 50$ بنص الجمعة و60$ بالويك-أند.

للمزيد من المعلومات، اتصلوا على 774 364 70

شوفوا كمان، بيت لينا: بيت الأحلام وجار السما ببيت الدين.