مشاوي وشاورما: شوفوا هالمطعم الغير شكل بذوق مصبح!

أديه حلو لما نلاقي مطاعم بتتفنن بالأطباق اللبنانية وبصير عندها بصمتها الخاصة بعالم الأكل؟ خلونا اليوم نعرفكن على Gilgamesh Grill بمنطقة ذوق مصبح، المطعم اللبناني اللي عندو الأكل تجربة مميزة بحد ذاتها، بيقدموا أشهى الأطباق اللبنانية بطريقتن الخاصة وخلطاتن السرية اللي بتخلي كل لقمة أطيب من التانية! مشوا نعزمكن على الغدا عند Gilgamesh!

رح نقلكن عن سر Gilgamesh Grill الزغير: طبق شنكليش الرمان، من أطيب الأكلات اللي ممكن تجربوها عندن، طعمها حلو وحامض بنفس الوقت ومزينة بحبّات الرمان الحمرة مع رشة زيت زيتون، هالطبق دوّخ العالم أد ما طيب!

وإذا منبلش بالشاورما عندن ما منخلص! بيعملوا شاورما اللحمة بتتبيلة مميزة، وبيقدموا شرايح الشاورما مع الحمص ومزينة بالبندورة المشوية، لتغمسوا كل لقمة بأطيب المازة! وما تنسوا تجربوا معها صحن فتوش غير شكل، الخضرة طازة وبتدوب بالتم مع طعم دبس الرمان.

وكمان إذا عبالكن سندويشة شاورما لحمة بتطلع اللحمة طرية، الطعم قوي، ومحشية خضرة طيبة ومغطسة بالطرطور.

ولكل محبي السندويشات إكسترا توم، سندويشة الشاورما دجاج أبداً ما بتتفوت! بيعملها المعلّم على أصولها وعلى ذوقكن! وإذا عبالكن تكفّوا بخبرية الدجاج، أكيد جربوا سندويشات الطاووق أو حتى فروج مشوي على الفحم، يا لطيف ريحتو أديه طيبة!

لقمتو لمطعم Gilgamesh بيتوتية على الآخر، بيعمل طبخات تقليدية يومية أطيب من طبخات التيتا، من صيادية وكوسا محشي ورز ودجاج وكبة بالصينية وحتى محشي الملفوف!

يلا ناطرينكن عند Gilgamesh Grill!

للمزيد من المعلومات، اتصلوا على 744 711 71 – 561 223 09

شوفوا كمان، سمعتوا بأطيب سندويشة بسطرمة بجونية؟