لقينالكن أطيب ٥ مطاعم للمأكولات البحرية بلبنان

عبالكن كدشة سمك غير شكل؟ خلونا نعمل برمة حول لبنان ونجبلكن 5 من أطيب المطاعم للمأكولات البحرية بلبنان.

1. لو فينيسيان – مينا صور

شو رأيكن نجرب أطيب أكلة سمك على مينا صور؟ مطعم لو فينسيان بيتميز بقعدة على المينا جنب القوارب والصيادين، عندو أطيب المأكولات البحرية على البحر، بتجربوا عندو مازة بحرية فريدة بطعمتها وتقديمها وبتتفرجوا على منظر البحر.

الرقم: 564 740 07

2. فلوكة غسان – صيدا

مطعم فلوكة غسان بيجيب السمك طازة من عندو من المسمكة بمدينة صيدا، عندو أصناف متنوعة من المأكولات البحرية بتناسب كل الأذواق وبيستعمل خلطات سرية بتميزو عن غيرو بالمنطقة- من أطيب الأطباق اللي بيعملها واللي لازم تجربوها هي السمك المشوي، وكلو بيتقدم مع صوص ومازة مميزة!

الرقم: 711 725 07

3. مطعم مرشاق عالبحر – البترون

هالمطعم جار البحر والشمس بالبترون، بيقدم أجمل القعدات جنب الموج والشط على أطيب كدشة من أصناف بحرية مميزة ومعمولة بخلطاتو الخاصة والسرية مع صحن سلطة غير شكل.

تخايلوا أكل طيب ومنظر غروب الشمس الرومانسي، أديه حلو؟

الرقم: 622 633 76 – 888 948 76

4. غريكو – جبيل

مطعم غريكو من المطاعم اللي بتاخدكن رحلة رومانسية على جزيرة سانتوريني باليونان، بيتميز بقعدة على البحر ساحرة الجمال، مشروبات طيبة، ومأكولات البحرية على الطريقة اليونانية بكل تفاصيلها وعلى أصولها.

هيك قعدة بدا عشا رومانسي مع الحبيب!

الرقم: 605 330 76

5. مطعم زيتونة – عمشيت

عبالكن أطيب طبق عبالكن بطاطا مع خلطة طيبة؟ مطعم زيتونة بيستقبلكن على ألذ سفرة مأكولات بحرية على صوت البحر والموج، من أفضل المطاعم تجربوها بعمشيت.

الرقم: 313 633 71

.شوفوا كمان، أجمل ٥ مطاعم بإطلالة عالجبل