أطيب ٧ مطاعم لازم تجربوها بمدينة صور

هالطقس المشمس بدو نزلة على بحر صور وبرمة بآثاراتها الساحرة! وليكمل مشواركن بالمنطقة، خلونا نتعرف على أطيب 7 مطاعم بمدينة صور لازم تجربوها.

1. راستيكا

بلشوا نهاركن بصور بأشهى ترويقة فول من عند مطعم راستيكا، هالمطعم قاعد جنب البحر دغري لتاكلوا أكل طيب وتتفرجوا على المنظر الحلو بنفس الوقت.

الرقم: 183 827 03

2. تافولينو

تافولينو عبارة عن مطعم وبار لأحلى سهراتكن مع الاصحاب، بتجربوا عندو أغرب وأطيب الأطباق المكسيكية مع مشروب غير شكل!

الرقم: 099 480 03

3. مطعم يام

بتلاقوا عند مطعم يام عالبحر شو ما بيخطر عبالكن من المأكولات البحرية: سمك مقلي، سمك مشوي، قريدس بانيه، صيادية، مازة السمك، مقدمين جنب جاط فتوش أو تبولة، حمص ومتبل باتنجان وبطاطا حرة، ولا ألذ!

الرقم: 646 104 71

4. لو فينسيان

أطيب كدشة سمك بتلاقوها بمطعم لو فينسيان على مينا صور، بتقعدوا وبتتفرجوا على قوارب الصيادين، بتنبسطوا بأطيب المأكولات البحرية الطازة المعمولة مع أعشاب وخلطات كتير طيبة، يا عين!

الرقم: 564 740 07

5. حرتقجي

إذا بتميلوا عند مطعم حرتقجي على الترويقة، بتلاقوا أشهى المخبوزات الطازة، أما على الغدا فبتلاقوا أطيب مازة، وعدا عن هيك هالمطعم قاعد دغري عالبحر، بدكن أحلى من هيك؟

الرقم: 053 073 81

6. Chops

عندو أطيب برغر بتلاقوها بصور، بتجربوا أدسم وألذ برغر مع جوانح وبطاطا مقلية، وكلو مقدّم مع صوصات شهية وبحصص كريمة لكل اللي بيحب يدلع بطنو.

الرقم: 834 787 81

7. مطعم المرجوحة

بتقعدوا عند المرجوحة، بنسّم عليكن هوا البحر الحلو، بتروقوا راسكن على أطيب أكل، وبتجربوا اللحمة النيّة الجنوبية على أصولها!

الرقم: 208 797 76

.شوفوا كمان، ٧ مطاعم مميزة تجربوها بهالشوبات