فيروز للعالم، خلونا نتذكر المرّات اللي تكرّمت فيها فيروز عالمياً

مش غريب إنو نسمع انو الأيقونة اللبنانية فيروز وصلت للعالمية وتكرّمت وحصدت على جوايز كتيرة، بصوتها الأسطوري وحضورها الفني وشخصيتها القريبة على القلب ومواهبها الدهبية اللي خلدت بالفن اللبناني. خبريتنا اليوم بتاخدنا شوي بالأرشيف لنتعرف على المرات اللي تكرّمت فيها فيروز عالمياً وعربياً!

حازت فيروز خلال مسيرتها على أوسمة وتكريمات عديدة محلياً، حصلت فيروز سنة 1957 على وسام الشرف برتبة فارس من الرئيس كميل شمعون، وهوي أعلى وسام بالدولة حصل عليه فنان، وكمان على وسام الإستحقاق سنة 1962 ووسام الأرز ب 1963 من الرئيس فؤاد شهاب، وأخيراً وسام جوقة الشرف سنة 1970 من الرئيس سليمان فرنجية.

عربياً، حصلت فيروز على وسام الشرف سنة 1963 والميدالية الذهبية سنة 1975 من ملك الأردن الراحل الحسين بن طلال.

كما حصلت على مفتاح مدينة القدس وجائزة القدس بال 1968 من لجنة الثقافة الفلسطينية.

وعالمياً كانوا محبي فيروز كتار وخصوصي الرئسا الفرنساويي، بسنة ال 1988، حصلت على وسام قائد الفنون والآداب من الرئيس الفرنسي فرنسوا ميتران، وكمان سنة ال 199 حصلت على وسام فارس جوقة الشرف من الرئيس الفرنسي جاك شيراك. ومؤخراً، كرمها الرئيس الفرنسي إيمانويل ماكرون بأرفع وسام فرنسي (وسام جوقة الشرف الفرنسي) لما زار بيتها سنة ال 2020.

الرابية ٣١ آب ٢٠٢٠
© Soazig de la Moissonniere / Présidence de la République pic.twitter.com/4TgGmKmrNY

— Fayrouz (@FayrouzOfficial) September 1, 2020

ويمكن من المعلومات اللي ما كنا منعرفها إنو تم تكريم فيروز سنة ال1999 بمدينة لاس فيغاس من العمدة يناير افرتي جونز، وتم إعلان نهار 15 أيار “يوم فيروز”، وكمان منحها مفتاح مدينة لاس فيغاس!

أديه حلو نشوف الأيقونة اللبنانية مكرّمة عالمياً؟ فيروز وج لبنان وتاريخو حلو!

شوفوا كمان، من أيا جامعات تخرجوا ملكات جمال لبنان؟