لقينالكن أجمل ٥ قعدات بقلب الطبيعة

في أحلى من قعدة الجنينة؟ أو المشاوير الحلوة بالطبيعة اللي بتفرفح القلب وبتروق الأعصاب! مشوا معنا على 5 مطارح حول لبنان بقعدة ساحرة بقلب الطبيعة.

1- البستان – بر الياس، البقاع

البستان مخبى بقلب البقاع ومن أروع المطارح لتجربوها بالطبيعة، عندن جولة بالقارب، ألعاب للولاد، ركوب بسكلات، بوفيهات أكل، طبيعة ساحرة، نشاطات حماسية، قعدة بالجنينة، وقصص كتير حلوة لتتعرفوا على الطبيعة بالبقاع وتنبسطوا بهل طقس الحلو.

الرقم: 898 502 03

2- الحوش – حوش الغنم، البقاع

الحوش عبارة عن مزرعة كبيرة بأحضان البقاع بتعيشكن جو الريف، بتاكلوا أكل الضيعة طازة من الأرض، بتجربوا جولات سياحية بالمنطقة، بتسبحوا بقلب مسابح بالجنينة، بتدوقوا نبيد بقاعي، بتبرموا بساتين المزرعة على البسكلات، وبتتعرفوا أكتر على الزراعة البقاعية وأسلوب الحياة البسيطة- من أروع المشاوير مع العيلة والأصحاب.

الرقم (واتساب): 1662 563 (855) 1+

3- The Ranch – كفرحزير، الكورة

ذا رانش بقدملكن هالموسم فرصة مميزة لتركبوا على الخيل، تنبسطوا مع حيوانات المزرعة، تتنزهوا بأحضان الطبيعة، تجربوا أكل بيتوتي طيب، وتعيشوا أحلى ضهرة مع العيلة.

الرقم: 618 201 03

4- بيوماس – جربتا

من أجمل المطارح المخباية بأحضان الطبيعة، بتلاقوا عندو قعدة قش على العشب وبين الشجر، بوفيهات وطبخات مميزة، بتفرشوا الحصيرة وبتنبسطوا بأروع بيكنيك تحت فيّ الشجر، والولاد بيركضوا وبيلعبوا بالملاعب والجنينات الواسعة.

الرقم: 532 532 03

5- حدائق راس مسقا – طرابلس

من أجمل الجنينات بلبنان وبتتميز بمنظر بيطل على البحر، بتقعدوا بين شجر النخل وبترخوها بالفيّات، بتنبسطوا بالقعدات المهضومة وبنسّم عليكن الهوا اللطيف، عندن نشاطات كتير حلوة للعيل والجمعات الكبيرة.

الرقم: 470 170 79

شوفوا كمان، أجمل نومة بالجبل بهل-٩ مطارح بالشوف.