مشوار على أجمل مطاعم جبيل على البحر

جبيل مدينة الحرف وعروس فينيقيا، قاعدة على البحر ومغمورة بالتاريخ والحضارة والآثار العريقة. بتتمشوا بسوقها، بتشموا هواياتها بترجعلكن الحياة وأول ما توصلوا على المينا بتشموا ريحة البحر وبتسمعوا صوت المي، بتحسوا حالكن فتتوا على قلب جزيرة بعيدة. ما في أحلى من قعدة البحر وصوت البحر غير الأكل والشرب على البحر مع الأشخاص لي منحبهن. لهيك اليوم حبينا نعرفكن على أجمل مطاعم مدينة جبيل على البحر وناخدكن مشوار فريد من نوعو على كنوز وخبايا المنطقة.

١. على البحر

عبارة عن بيت حجر تراثي مع جنينة ساحرة وقعدة على البحر دغري. بتاكلوا ألذ المأكولات البحرية وبتسمعوا صوت الموج إنتو وعم تاخدوا أجمل الصور وتستمتعوا بأحلى الأوقات مع الناس لي بتحبوهن.

الرقم: 525 582 03

٣. باب المينا

مطعم تراثي على المينا، بطل على أجمل منظر وبيتمتع بقعدة غير شكل وبيعمل ألذ مأكولات بحرية. هل مطعم جار القلعة وبنام على كتف المينا الأثرية ليمنحكن تجربة استثنائية. أجمل قعدة عندو بتكون على الغدا مع العيلة والأصحاب لتقضوا أحلى أوقات سوا بالقلب النابض للمدينة. بس تخلصوا أكل فيكن تكفوا مشواركن وتستكشفوا كنوز جبيل وتحديداً السوق العتيق والقلعة والكنايس الأثرية والآثار المندثرة يلي هني قريبين كتير من المطعم.

الرقم: 475 540 09

٤. مالينا

لو قد ما نحكي عن هل مكان، بتعجز الحروف إنو توصف جمالو، بيجمع بين سحر المتوسط وتراث جبيل العريق. بس تفوتوا علي رح تشموا ريحة الورود فاحة بكل المكان، بتقعدوا بقلب الجنينة لي بتعانق البحر، وبتستمتعوا بمجموعة من المأكولات الإيطالية واللبنانية على أنغام موسيقى رومانسية… من أجمل ما رح تشوف عينكن!

الرقم: 111 544 09

شوفوا كمان، هيك فيكن تقضوا نهار حلو بعلما الشعب.