خبرية حلوة…دخول مجاني للمتاحف والمواقع التراثية حول لبنان

جبنالكن خبرية حلوة!

بمناسبة يوم التراث العالمي، أعلن وزير الثقافة محمد مرتضى عن الدخولية المجانية لعدد من المتاحف والمواقع التراثية حول لبنان إبتداءاً من 19 نيسان حتى 25 نيسان. هاليوم معروف كمان باليوم العالمي للآثار والمواقع التراثية ويعتبر من أهم الأيام للإحتفاء بالتراث الوطني وتقدير الحضارة والتاريخ الغني لبلدنا.

كتير من المتاحف المميزة رح تكون فاتحة أبوابها لإستقبال الناس مجاناً، فحبينا نضوّي اليوم على متحف بيروت الوطني اللي يعتبر من أهم المؤسسات الثقافية الرئيسية ببيروت، وبيحتوي على كنوز تاريخية وحضارية من مجموعات من الآثار والتماثيل والقطع الأثرية والتوابيت والقبور اللي مرّ عليها آلاف السنين، ومختلف الحقبات الزمنية، والحضارات من الفينيقيين والرومانيين وغيرها. المتحف بيفتح من يوم التلاتا ليوم الأحد من الساعة 10 الصبح ل 2 الضهر، ضروري تزوروا هل فترة وتتعرفوا على تاريخ البلد!

وأكيد ما تنسوا تزوروا مختلف المواقع التراثية والأثرية حول لبنان، من بعلبك مدينة الشمس، لمدينة صور الفينيقية، وأكيد جبيل وحدة من أقدم مدن العالم، وكتير من الآثارات لي تعتبر من المواقع التابعة للتراث العالمي الأونيسكو!

!يلا شو ناطرين؟ مشوا نكتشف تاريخ لبنان سوا

شوفوا كمان، أحلى نومة على البحر بهل-٦ مطارح حول لبنان.