أطيب ٥ مطاعم ببلدة دير القمر الساحرة

بهل الطقس الربيعي المشمس إطلعنا مشوار حلو على بلدة دير القمر التراثية ولقينالكن أطيب 5 مطاعم بالمنطقة لازم تجربوها!

1- أوتيل ومطعم دير الأمرا

هل أوتيل عمرو 200 سنة ويعتبر من أحلى الأوتيلات التاريخية والتراثية بلبنان، بين قعدتو الساحرة وحجرو القديم وقناطرو العالية بتلاقوا مطعم بيقدم أكل لبناني غير شكل مع مناظر للجبل بتاخد العقل!

الرقم: 557 511 05

2- بيت الجبل

بتلاقوا هون ريحة المشاوي ومنظر السفرة الغنية بقلب بيت جبلي قديم بيسحر النظر، قعدة بيت الجبل تراثية وبتطل على أجمل الجبال والوديان بالمنطقة، مغمورة بالجنينات والشجر والورد من جهة ونسمات الهوا اللطيفة من جهة تانية.

الرقم: 767 160 71

3- بيت القمر

بيت القمر هو جزء من المشروع التراثي سوق الطيب، بيقدم ترويقة وغدوات طازة من المزرعة وبطرق بيتوتية مميزة. بيتميز هالمطرح لجنينة ساحرة وقعدة جبلية وديكور الستينات الرومانسي.

الرقم: 397 981 70

4- مطعم سراي البيك

مطعم سراي البيك بيستقبلكن على البوفيهات والأكل الطيب، السفرة المليانة والكريمة، الجمعات الكبيرة، والمناسبات الحلوة بقصر حجري بياخد العقل!

الرقم: 006 510 05

شوفوا كمان، أحلى نومة على البحر بهل-٦ مطارح حول لبنان.