رحلة على الكارافان السري…تجربة تخييم من الأحلام بالبترون

اليوم رح ناخدكن رحلة ممتعة على قلب مدينة البترون العتيقة، نمرق ع البحر الحلو، ننبسط بنسمات الهوا، نزورب بالطرقات الزغيرة والحارات القديمة، ونوصل على مطرح ساحر الجمال ومخبى عن العالم بأحضان الطبيعة، الكارافان السري Secret Caravan بيقدم تجربة من الخيال، بتاخدكن على عالم التخييم بالطبيعة بأجمل القعدات والأجواء القريبة على القلب.

الكارافان السري مخبي أسرار كتير، بتمرقوا على هالمطرح وبتقضوا ليلة من العمر تحت ضو النجوم والقمر وبين الشجر المزهّر والحجر، أجمل مشوار هالربيع!

(@secretcaravan.batroun)

الكارافان قريب كتير من البحر، بتقدروا تسمعوا الموجات عم تروح وتجي وكمان تتفرجوا على غروب الشمس الساحر بالبترون.

(@secretcaravan.batroun)

بترخوها على المرجوحة تحت الشجرة وبتحسوا بنسمات الهوا اللطيفة، أو بتكنكنوا مع أحبابكن بأروع سهرة نار تحت النجوم، فيكن تقعدوا بالجنينة مع الورد المعلق وتفرشوا الأكل والصحون الملونة وتنبسطوا بالقعدة.

(@secretcaravan.batroun)

الترويقة مميزة وغير شكل، بالهوا برا وتحت الشجر على كراسي خشب، مناقيش طازة وجبنة وخضرا ولبنة وزيتون ومربى مقدمين على صينية قش مهضومة.

(@secretcaravan.batroun)

الكارافان من جوا بياخد العقل، بتلاقوا زاوية كنبيات للقعدة، طاولة للأكل، مطبخ زغير بقلبو كل شي، تخت كبير لتناموا فيه أجمل نومة هنية، قعدة كتير خاصة، مأمّن فيها كل شي بتحتاجو وبعيدة عن العالم. الكارافان مناسب للعيل الزغيرة، العشاق، وكمان الناس اللي بتحب جو التخييم.

(@secretcaravan.batroun)

شو بعدكن ناطرين؟ مشوا على هالكارافان اليوم قبل بكرا!

للمزيد من المعلومات، اتصلوا على 567 666 81

شوفوا كمان، بتحبوا الربيع؟ فرفحوا قلبكن بهل-١٠ مطارح حول لبنان