ذكريات طفولة كل عيلة يوم الأحد بلبنان

يوم الأحد مش بس ويك-اند عند اللبنانية، بس نهار مخصص للذكريات الحلوة والمهضومة! خلونا نسترجع سوا أجمل ذكريات الطفولة نهار الأحد لكل عيلة.

1- يوم الأحد يعني ضهرة

على مدينة الملاهي أو مشوار بالطبيعة، بس ضروري الخناقة اللي بتصير بالبيت قبل الضهرة على وين بدكن تروحوا، ولما تطلعوا بالسيارة بتتخانقوا مع إخواتكن مين بيقعد على الشباك بالروحة وبالرجعة!

2- كنا كل أحد نمرق عند التيتا والجدو

ونسمع حكايات غريبة عجيبة، أو قصصن عن مغامراتن هني والشباب، وإذا حظنا نقش منقضي الليلة عندن، منفرش على الأرض ومنحضر TV وبيعملولنا سندويش لبنة وخيار.

3- كنا نلعب مع ولاد الحي بكل جفصنة والعيلة عم تشرب قهوة مع الجيران بكل رواق

وإلا ما حدا يوقع ويصير يبكي، أو حدا يوقع القهوة، أو حدا يشوط الطابة وتكسر شي شغلة

4- يوم الأحد يعني أطيب بوظة عربية من عند بشير

خصوصي على قشطة!

5- مشاوي الأحد مع العيلة ما في منها!

والعجقة والكركبة اللي بتصير بالبيت الها حلاوتها

6- كنا نتمشى على الكورنيش

لا هم ولا غم، قاعدين آخر رواق

7- ترويقة الأحد كانت عطول كنافة

بس تاني نهار بترجع إمّكن بتلفلكن لبنة وزعتر

8- كنا نقضي كل النهار بسوق الضيعة مع الماما

وبالآخر بتاكلوا سندويشات من برا لأنو ما لحقتوا ترجعوا على بيت وتعملوا غدا

9- وأكيد ما مننسى نزلة البحر يوم الأحد بالصيفية

وذكريات صيد السمك مع بيكن، أو لما إمّكن تلفلكن سندويشات ع السريع قبل ما يوصل الغدا.

ولما نرجع كنّا نام بالسيارة، أو نمرق نشتري بوظة لنختم المشوار على خير.

شوفوا كمان، ١٣ شغلة مهضومة بتعملها كل أم لبنانية.