فنيسيا: مطعم إيطالي جديد عم يسبح بقلب المي ببيروت

عبالكن تسافروا على مدينة Venice الإيطالية الساحرة ولو للحظات؟ مشوا معنا على مطعم فنيسيا لي رح يجبلكن فنيس على قلب بيروت.

جوهرة مخفية ببيروت، جو رومانسي وبيتزا وباستا رح يجذبوكن دغري.

بس تفوتوا على هل محل بتحسوا حالكن بشي قصر طلياني فخم، بيشبه قصور روما التاريخية.

أول ما توصلوا علي بتحسوا حالكن صرتوا بVenice، وهيدي تجربة مهمة لكل مين ما قدر يسافر هالسنة. بتفوتوا على المطعم وبتشوفوا المي عم تجري وشخطورة، الموسيقى الحلوة وألوان الحب والغرام.

تم إعادة افتتاح مطعم فينيسيا إيتاليانو ببيروت بعد فترة تسكير لمدة 8 سنين، وهوي عم يجبلكن تجربة مدينة البندقية مع الهندسة الطليانية المبهرة والأطباق الإيطالية الكلاسيكية.

فيكن حتى تطلعوا بقلب الشخطورة وتعملوا كزدورة بالمي وتعيشوا لحظات رومانسية.

يعتبر هل مطعم تجربة إيطالية أصيلة، بيسمح للزوار يستمتعوا بالأكل الطيب على صوت المي والموسيقى مع لقمة باستا بتطوش وكاس نبيد. مكان مثالي لعشا رومانسي مع الحبيب، فيكن تستمتعوا بوجبتكن بالقعدة جوا، أو على التراس بالهوا الطلق لتلقوا نظرة على قنوات المي والجسر والشخطورة.

قبل ما تفلوا، عيشوا مغامرة فريدة أكيد بحياتكن مش عايشينها: طلعوا على الشخطورة بنص المطعم وكزدروا بالمي.

هل مطعم قاعد جنب فندق هيلتون بيروت متروبوليتان بالاس، بمنطقة سن الفيل، بيفتح كل يوم من الساعة 12 الضهر حتى الساعة 12 بالليل، للحجز اتصلوا على 540 516 01.

شوفوا كمان، ١٣ شغلة تعملوها بضيعة حصرون.