اكتشفوا معنا ٩ مطاعم بالشمال مع قعدة خيالية

الشمال من البترون للقبيات، بيتميز بجمال وسحر لا يقاوم. لتعرفوا وين فيكن تقضوا وقت حلو بشمال لبنان، اخترنالكن بعض المطاعم لي عنجد فيكن تستمعوا فيا بقعدة شتوية مع التلجات أهم شي أو حتى حد البحر.

١. مطعم أبو النواس، الضنية

هل مطعم بيتميز بمنظر مميز على الجبل رح يخلي جلستكن من العمر. بحضرلكن أطباق السفرة اللبنانية على أصولها ومازة من جميعو، عندن أكلة الكبة الشمالية لي بحبها قلبكن مع قعدة تراثية مهضومة ومنظر ما بيخطر على بال حدا. جربوا قعدوا على الشباك، لتقدروا تستمتعوا بالأكل والمنظر الروعة كمان.

الرقم: 224 222 06

٣. كافي دي سيدر Café Des Cèdres، الأرز

قهوة الأرز قاعدة على أجمل قمة بلبنان، المنظر بهل محل رح ياخدكن رحلة على عالم تاني. ما في أجمل من فنجان القهوة على الصبح مع أجمل منظر بلبنان. أكيد الغدا بهل مطعم من العمر رح يخليكن تستمتعوا بتلجات الأرز الحلوين والأكل الطيب والجبال الشامخة والمشروب اللذيذ.

الرقم: 797 448 70

٤. هيكل الشنبوق، القبيات

رح تحسوا حالكن واقفين بالسما على إجر ونص، وقد ما نحكي مش رح يوفي الكلام حق المطعم من جمال، محاط بالشجر والخضار والبياض من كل الميلات. عمو هيكل كرس حياتو لضيعتو وعمل أجمل لوحة فنية ممكن تتخيلها عينكن ويدوقها تمكن. هل مطعم بيشبه المطاعم الموجودة بسويسرا، رح ياخدكن على عالم تاني، أكل الضيعة مع قعدة جبلية. كل شي بيتحضر على الإيد ومن الجنينة حتى الخبز من البيت بيتقدم.

الرقم: 184 686 81

٥. مطعم وكافي إهدن، إهدن

بشارع سيدة الحصن قاعد هل مطعم المختص بتقديم المازة اللبنانية على أصولها وكمان بيتميز بوجود صالة كبيرة للولاد وأكيد، لقعدتو المطلة ولقمتو الطيبة. فيكن تشربوا العصير الفريش، تاكلوا قرص كبة أو تطلبوا شي بتحبوا وتقعدوا على التراس بالصيف وتتفرجوا على الوادي وتنسوا هموم الدني، أو تقعدوا على الشباك بالشتوية وتشوفوا منظر بطير العقل.

الرقم: 486 141 76

٦. لو ماران، البترون

متخصص بالمطبخ اللبناني التقليدي، والقعدة عندو على البحر، المطعم واسع وشرح والخدمة ممتازة والقعدة على التراس بتحبس الأنفاس.

الرقم: 016 744 06

٧. مطعم مطل الوديان، حرار

جو مريح ورومانسي، والتصميم حديث وتقليدى مع إطلالة بتحبس الأنفاس، والأكل ممتاز ومتنوع! أكل لبناني وجبلي على طاولة ملياني مع جو راقي. بتطلعوا على الشباك وبتشوفوا الوادي كلو تحتكن، يعني منظر متل الحلم، في كمان محل ليلعبوا الولاد وأويتل لتحجزوا أوضة إذا عبالكن تقضوا ليلة بضيعة بتاخد العقل.

الرقم: 487 713 03

٩. رايس، البترون

مطعم فيو ريحة البترون، بس توصلوا رح تحسوا حالكن بشي جزيرة باليونان. بقدم رايس أجود أنواع الأطباق اللبنانية، السمك وثمار البحر مع ديكور لبناني بتروني بيطغي علي لون الأزرق والأبيض وقعدة على البحر.

الرقم: 703 919 03

شوفوا كمان، ٧ مطاعم بالجنوب بقعدة خيالية.