مغتربين لبنان راجعين بمناسبة عيد الاستقلال

حرقة قلب المغتربين وعائلاتن ما بتنوصف. كل المرة بتكون لحظة الوداع صعبة، وهيدا سبب كبير ليه نزلت العالم لتتظاهر. والحرقة الأكبر كانت ببعد المغتربين عن هاي الأحداث.

بس هلأ بمناسبة عيد الاستقلال، وبعد مرور تقريبا شهر من لما بلشت الثورة، المغتربين راجعين ليعطوا الإستقلال معنى جديد.

صفحة “مغتربين مجتمعين” عم تدعي لكل المغتربين يحجزوا تذاكرن ل٢٢ الشهر، ولكل مجموعة كبيرة عم بقدموا خصوم على التذاكر!

كمان عم بنظموا مسيرة للمغتربين من المطار على ساحة الشهداء.

إذا كنتوا مغتربين، إستغلوا هالفرصة وتواصلوا مع مغتربين مجتمعين على هيدا الإيميل: meghterbinrejiin@gmail.com.