لعشّاق البطاطا… هيدا المطعم طلبكن!

“بُ طَ طَ – Boutata” مطعم موجود بالأشرفية مقابل ال ABC بالاشرفيه فِكِرتُه الأساسية تقديم البطاطا بكلّ أنواعها المقلية، المشوية، المسلوقة، والمطبوخة مع الأطباق الشعبية بطريقة كتير شهيّة.

يعني كلّ شي بدك تطلبو ضروري يجي معو بطاطا! بتصدّقوا حتى الفتوش؟!

الفتوش ب “بُ طَ طَ” غريب عجيب غير اللي معودين عليه بلبنان. تخايلوا كمية البطاطا فيه أكتر من الخُضرا!

هيدا المطعم بشهّيك تاكل أكلات يمكن ما كنت تحبها أو تقول للوالدة عنها: “شو هالأكلة”!! مثلا أكلة بيض وبطاطا عند هيدا المطعم كتير طيبة وبتشهي صعب ترفضها.

كمان هالمطعم بقدّم ألذّ الأطباق بأهضم الأسماء. مثلا عندك ” المدلّلِة”، “الذكيّة”، “الأصلية”، “القويّة”، و “المفزلكة”.

ولمّا بدنا نحكي عن الهضامة مفينا ما نذكر اعلانات هيدا المطعم اللي بروّج لحالو بطريقة بسيطة بس ظريفة.

مطعم “بُ طَ طَ” مناسب للأشخاص النباتيّين وكمان ل يلي بحبو اللحمة والدجاج. أسعارو كتير مناسبة وعطول بقدّم عروضات قوية. القصّة ما بدها تفكير، ضروري تزوروا!

للإتصال: ٢٢٢ ٣٢٤ ٠١