لعشاق جبل شيخ الجبل زوروا مقهى الهيبة وتعرّفوا على هالمنطقة اللبنانية!

منطقة الهيبة أو ما تعرف بالمنطقة المحظورة الخاصة بجبل شيخ الجبل هي منطقة جبلية موجودة فعليًا بلبنان بس تحت إسم “حمّانا.” هالمنطقة يلي انعرفت بجمالها ومطلّها الحلو من التسعينات ولا زالت لحدّ اليوم.

ليلي تابعوا مسلسل الهيبة أكيد بيعرفوا ساحة معارك جبل وصخر ضدّ الأعداء بس كتير قليل يلي بيعرفوا إنّو هيدي الساحة هي ساحة حمّانا يلي بلفها بيوت جبلية مزيّنة بالقرميد الأحمر وبأشجار الصنوبر المبهرة.

مخرجين عمل الهيبة ما اختاروا هالمنطقة للتصوير عن عبث ولكن لهندستها القديمة خصوصًا إنّو حضارات قديمة متل الفينيقيين والعثمانيين والمماليك مرّت على هالمنطقة ويلي بالتالي ساعد بتصوير فكرة الهيبة هالقرية القديمة يلي بعهدها محافظة على طرازها الديكتاتوري القديم وانها عالية عن السلطة اللبنانية.

منهيك منشجعكن تزوروا مقهى الهيبة بمنطقة حمّانا وتشربوا نفس فنجان القهوة يلي شربته نور بالجزء الثالث وتتصوّروا حول ساحة المعارك والنافورة المتواضعة وتتمشوا بأسواقها القديمة المبنية من الحجر الصخري وبوابها الخشبية مع العلم إنّو مشواركن مش لح يكون كرامة الهيبة بس كمان فيكن تزوروا شوارع وزواريب هالضيعة اللبنانية المشهورة بكثرة ينابيعها. مين ما بيعرف نبع الشاغور ومطعم شاغور حمّانا أو حتى نبع الصفصافة.