صور لمادونا بتبين إنو هي صاحبة أهضم إطلالات

هي اللايدي مادونا، ملكة جمال النجوم والإستعراضية الأولى بالتسعينات. عدا أغنية “وله يا صعيدي”، يمكن ما في بذاكرة الجمهور اللبناني أي إسم لأغنية تانية إلا. بالرغم من هالشي، هي فنانة كبيرة، قدمت بزمنا مشاهد متكاملة، ساحرة وخارجة عن المألوف خلال مسيرة طويلة بلشت سنة ١٩٧٥.

الفنانة يلي كانوا ينطروها الناس كل راس سنة ليشوفوا شو لابسة عندا ١٠٠٠ فستان سهرة و ٤٠٠٠ قطعة تياب. ما بتخفي أبداً ضعفا قدام الأزياء الحلوة وساهمت بعزا بصنع أسماء مصممين وصلوا اليوم للعالمية. جمعنا هون صور بتبين إنا، بدون شك، صاحبة أغرب إطلالات بين كل يلي إجوا قبلا ومعا… وبعدا:

١- الغرب عندن مادونا والعرب عندن مادونا كمان

٢- قماش كتير وأكسسوارات ما بتخلص. منسأل بس كيف فيا تحملن كلن؟

٣- لما يطلع عبالا تلبس شجرة، بتعملا!

٤- هالصورة الروعة بتذكر باللوحة الشهيرة “ذات القرط اللؤلؤي”

٥- لما تكون كلا للوطن

٦- لما تفتق معا عالزهر وتتحول لكيس “غزل البنات”

٧- أما أكسسوارات الشعر، فهني شغلة. مرة إكزوتيك:

ومرة سريالي:

مرة متل بقصص الساحرة الطيبة:

ومرة كوزموبوليت:

٨- له، له،له… لما اللايدي تغلط!

٩- لما يكون الكولان الأوباك وحدو القصة كلا

١٠- منذَكِر إنو هالمرأة يلي تجاوزت سن الـ ٥٠ شاركت ببرنامج رقص النجوم ٢٠١٦

١١- وهيك طلت بعيد ميلادا الأخير. مادونا صرحت أكتر من مرة إنا مغرومة بالريش

١٢- ومن فترة قريبة اختارت تجي عالموريكس دور بزي من وحي القراصنة. كنا منفضل، برأينا المتواضع طبعاً، تلبسو عهالوين

وأخيراً، فينا نقول إنو جملة “القالب غالب” مفصلة تفصيل عقياس صاحبة الألقاب الجمالية، لأنا بتتمتع بروح المرح والشباب الدايم، بتعكس من خلال فساتينا شخصيتا العفوية وكتير من جنون الديفا.