وين فيكن تقضوا ليلة من العمر بسحر إهدن؟

تعتبر إهدن من أجمل المناطق بالشتوية اللي بتجذب الزوار، بسحرها وجمال طبيعتها بتصير متل الجنة على الأرض وبتخطف قلوب الناس. شوفوا معنا هل كم بيت ضيافة وأوتيل لتقضوا ليلة من العمر بأحضان إهدن.

1- أزيت كابين Uzit – مزرعة التفاح، إهدن

ما تروحوا على حالكن المشاهد الطبيعية والمناظر الشتوية عند أزيت كابين، عندن بيوت خشب مكنكنة وبقعدة لطيفة بتروق الراس، محاوطة بالشجر والتلج لتنبسطوا بوقت حلو ونومة هنية.

الرقم: 564 214 81

2- كرز – إهدن

عبالكن تروحوا على زمن الحكايات وتعيشوا رومانسية الأفلام؟ كرز إهدن عبارة عن بيت ضيافة تراثي بديكور حجر ساحر، تفاصيل فاخرة وعتيقة، فن العمارة اللبنانية، أنتيكا وين ما كان، والأحلى من هيك إنو مغطى ببياض التلجات بالشتوية.

الرقم: 155 660 76

3- ميزون هيريتاج Maison Heritage – إهدن

بتحبوا طبيعة لبنان وكل شي فيها؟ ميزون هيريتاج عبارة عن بيت ضيافة تراثي قاعد بأحضان إهدن، بيتميز بأوض قعدة بجلسات حجر، تصميم تراثي قديم، وقعدة تراس بتشق القلب، رح تتنغرموا بالمناظر الطبيعية والليالي الساحرة وجمال الطبيعة الجبلية عندن.

الرقم: 603 350 76

4- The North Pod – مزرعة التفاح، إهدن

قعدة بيوت القبة الفريدة وصلت على طبيعة إهدن بذا نورث بود، إهربوا من العجقة وتخبوا بعيد عن العالم بغابة تلج وشجر، رح تنبسطوا بالقعدة الونسة والموديل الخشب والمنظر الساحر وتقضوا ليلة من العمر!

الرقم: 001 506 81

5- Hotel Provencal – إهدن

تمشوا بشوارع إهدن القديمة بتلاقوا أوتيل حجر متل القصور، صرلو من سنة 1927 بيستقبل الضيوف على القعدة الدافية، الأوض المكنكنة، والأرض قبالو مفروشة بالتلج الأبيض!

الرقم: 040 561 06

.شوفوا كمان، أجمل ٤ بيوت ضيافة محاوطة بشجر الأرز بلبنان