بنص الشتوية: ٢٠ شغلة تعملوها بضيعة حمانا

حمانا من أجمل الضيع اللبنانية، فيا مواقع أثرية وطبيعة جبلية، مطاعم ولا أحلا، سوق نابض بالحياة ووادي بياخد العقل. كل شي هون روعة! بيقصدوها كل لي بحبوا يقضوا الويك-أند خارج الأماكن يلي تعودوا يروحوا عليها، أو لعبالن يقضوا يوم واحد ممتع بكل معنى الكلمة.

لهيك حبينا اليوم من بعد ما عرفناكن على ١٧ شغلة تعملوها بضيعة كفردبيان، نطلع على حمانا ونعرفكن على ٢٠ شغلة فيكن بهل بضيعة المميزة لي بتبعد بس ربع ساعة عن الساحل لتقضوا نهار ما بينتسا.

١. بلشوا نهاركن بأطيب فنجان قهوة وترويقة لبنانية على أصولها عند كافي أبو ملحم

وفيكن تاكلوا أطيب كنافة كمان

الرقم: 687 956 03

٢. تمشوا بشوارع حمانا المغطاية بالتلج وتفرجوا على السينما الأثرية بالضيعة

٣. تفرجوا على المديرج، أعلى جسر بالشرق الأوسط على مدخل الضيعة

٤. شوفوا التلج لي تحول لصقيع وتصوروا حدو

٥. جيبوا معكن قنينة فاضية وشربوا مي ولا أطيب من ساحة الضيعة

٦. تمشوا بشوارع الضيعة وتفرجوا على البيوت الأثرية المغطاية بالقرميد الأحمر

٧. كزدوا بسوق حمانا الشعبي واشتروا مونة بلدية

٨. عملوا هايك بحمانا على طول الشلالات والنهر والغابات المغطاية بالأبيض

٩. وين الغدا؟ ب بيت ست الكل قاعد بأوتيل حمانا بلازا وبقدم أطباق عالمية ولبنانية مع لمسة فنية

بتلقوا نظرة على اللوحات الفنية أو بتمسكوا كتاب وبتقروا بشي زاوية من زوايا المطعم وفيكن كمان تلعبوا دق طاولة

الرقم: 889 076 81

١٠. تمشوا بساحة الميدان الأثرية وقعدوا بقلب الكافيهات المهضومة

١١. ميلوا عند قهوة الهيبة، محل ما صوروا مسلسل تيم حسن

١٢. زوروا بيت الفنان أو Hammana Artist House لي عطول بصير في عروض فنية على مدار السنة

الرقم: 544 532 05

١٣. تفرجوا على الكنايس الأثرية بالضيعة

دير الراعي الصالح لي أدرجتو المديرية العامة للآثار كمعلم تاريخي

كنيسة مار رومانس الأثرية لي انبنت عام 1732 ونقلوها ولاد حدشيت من ضيعتن على حمانا

كنيسة مار الياس الأثرية لي فيها قبة ساحرة الجمال

١٤. زوروا قصر مزهر أو قصر لا مارتين الأثري من القرن الرابع عشر مطرح ما عاش الكاتب والشاعر ألفونس دي لامارتين وتغنى بجمال حمانا وكتب أجمل الأشعار

١٥. تفرجوا على جمال وادي لا مارتين

١٦. زوروا جنينة عمو جميل وجربوا كل أنواع المونة المعمولين من كرزات الضيعة

الرقم: 492 574 03

١٧. زوروا الدكاكين والمحلات العتيقة بالضيعة وانبسطوا بطيبة أهل حمانا

١٨. زوروا مزار مار شربل لي مغطى بالتلج وتفرجوا على الشمس عم تغيب من أجمل نقطة بالضيعة

١٩. كلوا أطيب فوندو جبنة عند مطعم تشيريلاين على العشا

القعدة بهل محل ساحرة بقلب بيت حجر، فيكن تاكلوا كتير من الأطباق الفرنسية والايطالية الشهية إنتو وعم تسمعوا موسيقى رومانسية

الرقم: 588 335 71

٢٠. قضوا ليلة دافية بأوتيل Valley View وكلوا أطيب لقمة بمطعم قصر الوادي

تفرجوا على جمال الجبال والوديان وعيشوا الهدوء والسكينة

الرقم: 777 531 05