جربتوا البيتزا من هل مطاعم الإيطالية أو بعد؟

وين حابين تاكلوا بيتزا اليوم؟ بحال ما قررتوا بعد وعبالكن تجربوا مطارح جديدة، شوفوا معنا هل كم مطعم حول لبنان لتدوقوا أطيب بيتزا.

1. Riccello – الصيفي، بيروت

هالمطعم بيعمل البيتزا الإيطالية شغل إيد وبكل إحترافية، بتدوخوا بريحتها الطازة الطالعة من الفرن، قرمشتها غير عالم وطعمتها الغنية ما بتكمل إلا على أطيب كاس نبيد.

الرقم: 532 652 03

2. SOUL Pizzeria and Grill – ضبية

مطعم سول بيعمل بيتزا قريبة على القلب، بيخلط الوصفات التقليدية بكل فنية وبقدمها بكل شطارة، مننصحكن تجربوا طعم بيتزا المارغريتا من عندن، أو بيتزا البرسولا المعمولة على أيد.

الرقم: 008 121 03

3. Piazza1140 – حمّانا

بتلاقوا عند Piazza 1140 بقلب حمّانا بيتزا إيطالية على الحطب ومخبوزات طليانية شهية، مشهورين بالعجينة الرقيقة والخفيفة مع المكونات الغنية اللي بتفتح النفس.

الرقم: 178 381 79

4. Mamma in Cuccina – الجميزة

هالمطعم فتح جديد بالجميزة، بيقدم أكل إيطالي بشهي من بيتزا البيستو على أنواعها، لازانيا غنية بالصوص، بوراتا، وقصص كتير طيبة.

الرقم: 530 400 81

5. Pizzeria Da Marco – مار مخايل

مطرح كلاسيكي لتجربوا وحدة من أطيب البيتزا ببيروت، بحضروها بكل إحترافية والطعم متل بإيطاليا على قد، بتحسوا حالكن قاعدين بشوارع روما بأطباقن الشهية والجو اللطيف.

الرقم: 027 171 03 – 688 280 03

6. Pizzaiolo – بيصور

هالمطعم الإيطالي كتير محبوب بجبل لبنان، بحضّر البيتزا على الحطب، بتطلع طرية وخفيفة وطعمتها بتشهي!

الرقم: 412 111 70

شوفوا كمان، وين بتلاقوا أطيب تشيز كيك يابانية بلبنان؟