اكتشفوا معنا أطيب ساندويشات عند بسترما مانو!

كلنا منحب بسترما مانو ويمكن صار عنا أطيب شاورما بلبنان بس مش الكل مجرب كل شي عند بسترما مانو، اليوم رح نخبركن عن كل شي طيب ممكن تاكلوا بس تروحوا عند مانو.

١. ساندويش المارغيز

ساندويش جديدة على المينو بس كتير طيبة، بتجي بقلب خبزة فرنجي محمصة مع قطع هوت دوغ السجق مشويين منيح على النار مع بندورة وخس وكبيس وصوص مايونيز.

٢. شاورما لحمة

دوقوا أطيب شاورما على لحمة هون مع حمص وبقدونس وبصل وكبيس وقطع بندورة وترانشانت لحمة بتشهي.

٣. شاورما سجق

يلي مش دايق الشاورما على سجق عند مانو مش دايق شي بعد! بتجي بقلب خبزة رقيقة ومحمصة مع قطع سجق وكبيس ولا أطيب من هيك!

٤. شاورما دجاج

مين ما بحب الشاورما على دجاج! مين في يقاوم الشاورما على دجاج عند مانو؟ أكيد ما حدا! بتجي بقلب خبزة رقيقة ومحمصة ملفوفة منيح مع قطع دجاج وخس وكبيس وكتير كتير توم.

٥. ساندويش مقانق الدجاج

ساندويش فرنجي محمصة منيح بقلبها قطع مقانق على دجاج وخس وكبيس وصوص بتشهي.

٦. ساندويش سودة دجاج

كمان بتجي بقلب خبرة فرنجي محمصة منيح مع قطع سودة وكبيس وبندورة وقطع حامض لطعمة بتشق النفس.

٧. ساندويش فاهيتا

هل ساندويش رح تجبلكن الطعمة المكسيكية بنفس لبناني! بتجي كمان بقلب خبزة فرنجي محمصة على المزبوط مع قطع فاهيتا وكبيس وخس وبندورة وشوية صوص غير شكل.

٨. ساندويش دجاج

شو في أطيب من ساندويش دجاج مع زيادة توم… ولا شي. عند مانو رح تعيشوا هل طعمة بطريقة شوي مختلفة لأن بتجي بالخبز الفرنجي وأكيد مع قطع دجاج غير شكل وكبيس وبطاطا مقلية وتوم كتير.

٩. ساندويش روستو

خبزة فرنجي محمصة منيح مع قطع روستو وكبيس وبندورة وخس وصوص خطيرة!

١٠ ساندويش بسترما

خبزة فرنجي بقلبها قطع بسطرما غير شكل مع كبيس وبندورة، شي كتير طيب!

وأكيد في كتير قصص غير طيبة، لازم دوقوها بس تروحوا عند مانو بس بتبقى هل ساندويشات هيي الأساس!

جوعانين ومحتارين شو تاكلوا؟ روحوا عند مانو وجربوا السندويشات لي أكتر شي شهتكن!

شوفوا كمان، ٤ محلات فيكن تطلبوا منن ساندويش شاورما غير شكل.