وين فيكن تعملوا صبحية مهضومة بالجنوب؟

تعودنا على خبرية الصبحية من نحنا وزغار، منروح منطل على الجيران ومنعرف خبار ومنسمع قصص كتيرة، بس إذا حابين تعملوا صبحية مع اصحابكن بشي مطرح مهضوم بالجنوب غيرر البيت، شوفوا معنا هل كم محل!

1- حلويات السلطان – النبطية، الغازية، كفرجوز

هالمحل الحلويات صرلو من سنة 1989 بيقدم أطيب حلو عربي وعالمي بالمنطقة، الكرواسون عندو غير عالم، عندو مختلف الأنواع وكتير مبدع بالطعمة، بس ضروري تجربوا عندو الكنافة، حلاوتها بتاخدكن على عالم تاني والجبنة دايبة على الآخر، شي بيفتح النفس!

الرقم: 719 659 76 – 418 761 07

2- غرينز – صيدا

كافيه موديل مودرن قعدتو روعة للناس اللي بتحب الرواق على الصبح، بتدوقوا أطيب أنواع الجبنة والمخبوزات الطيبة، وأكيد ما لازم تروحوا عليكن ألذ فنجان قهوة بصيدا!

الرقم: 355 755 07

3 – دون لاونج – صيدا

هالمطعم بقدملكن أحلى وأطيب صبحية، القعدة مودرن ومرتبة على الآخر، والأكل غير عالم، عندن منيو مخبوزات عالمية وكرواسون بتشهي وترويقة لبنانية من لبنة وجبنة وبيض ومربى وزبدة مع كباية شاي بتروق الراس على المزبوط.

الرقم: 626 736 70

4 – قهوة 60 – صيدا

إذا بتحبوا القصص والخبريات على الموديل القديم، الصبحية بهل الكافيه رح تاخدكن على زمن السيتينات، كل تفاصيلو مهضومة وبيتفنن بالأكل، بس أكيد ضروري تجربو اللبنة بالفريز، طعمتها غير عالم.

الرقم: 000 169 79 – 001 196 79

شوفوا كمان، جربوا هل- ٥ محلات لكرواسون بطعم خيالي.