عيشوا جو روما من هالمطعم الإيطالي الجديد ببيروت

حابين تعيشوا جو روما الرومانسي من قلب بيروت؟ أو عم تفتشوا على تجربة أكل ما تتنسى؟ شوفوا مطعم Mamma In Cucina الإيطالي فاتح جديد بالأشرفية، بسفركن على شوارع إيطاليا بالطعم الطلياني الكلاسيكي والمعمول على أصولو، عندو جو مهضوم وأطباق طعمها خيالي.

@Followmybuds

صدقونا لما نقول انو أطيب عزيمة بهل مطرح، فيكن تجربوا أطباقن مع خبز البروشكيتا، مع الجبنة أو مع صلصة البومودورو أو مع الفطر أو السلمون المدخن مع الروكا والحامض لطعم غني ومميز.

وأكيد لازم تجربوا كمان البيتزا الإيطالية عندن، العجينة رقيقة وخفيفة وكل كدشة مقرمشة ومليانة بالطعمات، بتلاقوا بيتزا المارجريتا، بيتزا على فطر، بيتزا بصوص البيستو الطيب، بيتزا نباتية بالخضرا الطازة، بيتزا مع سلمون، وأطيب شي بيتزا الترافل.

الباستا عندو غير عالم، أفخم أكلة الPenne بصوص البومودورو الغنية، أو بالأربياتا وهيدا الطبق كلاسيكي على الطاولة الإيطالية، بسيط بس طعمتو روعة، كمان السباغيتي كتير بيعملها شهية وبتشبّع وبقدمها بوصفات مختلفة من البيستو والترافل والتشكين ألفريدو وقصص كتير بتفتح النفس.

ومن الأطباق الحرزانة كتير اللازانيا الإيطالية، لي بيقدمها مغطسة باللحمة مع صوص غنية، ومع جبنة البارميزان لي كتير بيعملها كريمية وسلسة وبيضيف كمان على الوج جبنة الموزاريلا الشهية.

مكان مثالي لعشا رومانسي او جمعة أصحاب حابين يجربوا الأكل الإيطالي على الأصول.

@Followmybuds

للمزيد من المعلومات، اتصلوا على 530 400 81 – 540 400 81.

شوفوا كمان، مطعم أدوناي: جو شتوي، موقدة وأطيب مشاوي.