بيت حجر بنص الغابة بميروبا، اكتشفوا هل محل المهضوم

ما في شي ممكن يخلينا نحس بالرواق والسكينة غير مشوار على محل بعيد عن الضجة وعن العالم، ما إلكن غير ضبوا غراضكن وتطلعوا على ميروبا، ضيعة بكسروان بتبعد بس 45 دقيقة عن بيروت.

بس توصلوا رح تشعروا بالجو الحلو والطقس الجبلي لي بحبوا قلبكن، بتكفوا وبتوصلوا على بيت حجر زغتور مخبى بقلب الغابة: بيت كايم Caim.

تخايلوا حالكن محوطين بشجر وخضار ولا أحلى من هيك بيتوسطو بيت حجر. بقلب البيت غرفة قعود مهضومة، حمام كتير مرتب ومطبخ زغير مع طاولة وكراسي، وأكيد تخت واسع حتى تناموا مرتاحين.

صراحة أوضة النوم ساحرة الجمال، الحيطان وراكن والقزاز مفتوح قدامكن على أجمل منظر بالطبيعة المنعزلة.

ما رح تعتلوا هم الدفا لأن البيت في شيميني بضل ولعانة كل النهار وكل الليل وفي كمان بيسين برا بتفتحوا باب الأوضة بتلاقوا بوجكن.

بيت عايش بقلب الصخور عم تتخايلوا شو رح يكون شعوركن بس تناموا بهيك محل!

في عدة أنشطة فيكن تعملوها متل الطبخ والقعدة بالبيسين والhiking وغيرن أكيد. ويلي حابب بس يرخيها وما يعمل شي أكيد كمان في يقعد حد النار ويتونس بالجو ويستفيد من كل شي موجود بالبيت، كل شي حلو ومريح.

أما الأسعار فهيي 240$ بنص الجمعة و280$ بالويك-أند.

لتعرفوا أكتر عن هل مكان، اتصلوا على 494 649 81

شوفوا كمان، قعدة ساحرة فوق الشير ناطرتكن عند هل بيت على الوادي.